Árbók Hins íslenzka fornleifafélags - 01.01.1971, Qupperneq 137

SKÝRSLA UM ÞJÖÐMINJASAFNIÐ 1970
Starfslið safnsins var óbreytt frá árinu áður, en Árni Björnsson,
sem settur hafði verið safnvörður frá 1. janúar 1969, var skipaður
í það starf frá 1. janúar 1970. Þá var Gísli Gestsson skipaður fyrsti
safnvörður frá 1. júlí í samræmi við ný ákvæði launamála. Fastráðið
starfslið safnsins var að öðru leyti sem hér segir:
Þjóðminjavörður: Þór Magnússon.
Safnverðir: Gísli Gestsson, 1. safnvörður.
Árni Björnsson.
Elsa E. Guðjónsson.
Halldór J. Jónsson.
Þorkell Grímsson.
Skrifstofustúlkur: Hrönn Sigurgeirsdóttir.
Regína Birkis (í hálfu starfi hvor).
Guðmundur Þorsteinsson frá Lundi vann í safninu eins og mörg
undanfarin ár nokkra mánuði að viðgerðum safngripa. Þá vann
Þórður Tómasson að samningu spurningaskráa fyrir þjóðháttadeild-
ina eins og áður og Lúðvík Kristjánsson var eins og undanfarin ár
á launum hjá safninu við samningu rits síns um íslenzka sjávarhætti.
Almennt um safnstörfin.
Störfin á árinu voru með svipuðum hætti og áður, bæði innan
safnsins og utan. Mikil lagfæring var gerð á fyrirkomulagi ljós-
mynda- og prentmyndasafnsins, en smíðaðir voru sérstakir rekkar
fyrir innrammaðar myndir, sem hingað til hafa verið geymdar á
ýmsum stöðum í húsinu og við misjöfn skilyrði. Hafa nú ljósmynda-
söfnin fengið allgóða aðhlynningu, þótt enn sé reyndar mikið verk
ókunnið í kopíeringu hinna elztu ljósmyndasafna.
Engu verulegu var breytt í sýningarsölum, en í geymslum er nú