Árbók Hins íslenzka fornleifafélags - 01.01.1971, Side 143

SKÝRSLA UM ÞJÓÐMINJASAFNIÐ 1970
143
Fornleifarannsóknir og fornleifavarzla.
Enginn uppgröftur var gerður á árinu og bar þar ýmislegt til, en
einkum er nú mannfæð á safninu farin að hamla rannsóknum. Ekki
eru nema þrír starfsmenn safnsins vanir rannsóknum af þessu tagi
og þeir oft bundnir við síaukin störf önnur. Fornkuml kom ekkert
í ljós á árinu og því voru rannsóknar- og eftirlitsstörf af öðru tagi
látin ganga fyrir.
Hinn 10. febr. fóru þjóðminjavörður og Gísli Gestsson safnvörður
suður að Kirkjubóli á Miðnesi til athugunar á gamla kirkjugarðinum
þar, en í stórbrimi skömmu áður hafði sjór brotið framan af bæjar-
hólnum og mannabein komið þar í ljós. Ekki voru tök á að gera þar
rannsókn að svo komnu, en síðar um sumarið fór þjóðminjavörður
ásamt dr. Kristjáni Eldjárn forseta og Jóni Steffensen prófessor á
staðinn til nýrrar athugunar.
2. júní var þjóðminjavörður á ferð í Vestmannaeyjum og athug-
aði ýmsa staði þar, einkum fornrústina í Herjólfsdal, sem Matthías
Þórðarson gróf í 1924. Hafa heimamenn mikinn áhuga á að láta rann-
saka rústina að fullu og leizt þjóðminjaverði það ráðlegt er kringum-
stæður leyfa. Rústin virðist allforn, ef til vill frá söguöld. - 1 ferð-
inni skoðaði þjóðminjavörður einnig ýmsa aðra staði í Eyjum, sem
athyglisverðir eru.
Dagana 28.-31. júlí fóru þjóðminjavörður ásamt Bjarna Ólafssyni
kennara, Herði Ágústssyni skólastjóra og Ingvari Axelssyni safnverði
við Árbæjarsafn í ferð um Vesturland til að athuga gömul hús og
fornleifar. Komu þeir fyrst í Bjarnarhöfn og skoðuðu kirkjuna þar,
sem er lítil og snotur timburkirkja, um 100 ára gömul og allvel við
haldið. 1 Stykkishólmi var „Norska húsið“ skoðað rækilega, en
byggðasafnsnefnd héraðsins hefur nýlega keypt það og er ætlunin
að setja þar upp byggðasafn. Þarf þó mikið að lagfæra húsið áður
en hægt er að setja þar upp safn, en í ráði er að taka fyrst efri
hæðina fyrir safnið.
f Dalasýslu var Hjarðarholtskirkja skoðuð, svo og Snóksdalskirkja,
einnig bærinn á Leikskálum og ýmsar minjar í Ölafsdal. En aðaltil-
gangur ferðarinnar var að athuga Reykhólakirkju gömlu með tilliti
til flutnings hennar í Árbæjarsafn, en sóknarnefnd hefur boðið því
safni kirkjuna. Erfitt virðist hins vegar að koma flutningi hennar
í kring nema með miklum kostnaði og er ekki fullsýnt, hvort safnið
getur þegið þetta boð.
Staðarkirkja á Reykjanesi, sem verið hefur í umsjá safnsins síðan
1964 var athuguð rækilega, en gera þarf henni nokkuð til góða bráð-