Árbók Hins íslenzka fornleifafélags - 01.01.1971, Page 149

SKÝRSLA UM ÞJÓÐMINJASAFNIÐ 1970
149
ins og fór hann eina ferð þangað vestur á árinu. Safnið er nú komið
í gott horf og sómir sér vel.
Um haustið var gamla kirkjan á Svalbarði við Eyjafjörð flutt á
lóð Minjasafnsins á Akureyri og sett niður á þann stað sem Akureyr-
arkirkja stóð um nær aldarskeið. Kirkjuna reisti Þorsteinn Daníels-
son á Skipalóni árið 1846 og þótt hún sé að vísu ekki meðal merkustu
kirkna er hann reisti, er hún þó prýðisgott dæmi um látlausa timbur-
kirkju frá þessum tíma. Kirkjan þarfnast allmikillar aðgerðar, sem
væntanlega verður unnt að koma í kring á næsta ári.
Við byggðasafnið 1 Skógum var lokið að mestu uppsetningu bað-
stofunnar frá Arnarhóli í Landeyjum, sem fyrr hefur verið skýrt
frá. Er hún reist við hlið skemmunnar frá Varmahlíð og er hug-
myndin að koma þar smám saman upp eftirgerð gamals bæjar, sem
verður settur saman af raunverulegum bæjarhúsum af safnsvæðinu,
eftir því sem unnt verður að komast yfir þau.
í Vestmannaeyjum var hafizt handa um byggingu stórs safnhúss
fyrir byggðasafn og bókasafn eyjanna. Verður það mjög rúmgott
hús og mikil bót fyrir byggðasafnið, sem er nú í þröngu bráðabirgða-
húsnæði.
Á Selfossi var hafinn undirbúningur að stækkun safnahússins, sem
orðið er ailtof lítið, ekki sízt eftir að safninu barst mikið safn út-
skurðargripa. Verður stækkun hússins væntanlega framkvæmd í
áföngum.
Önnur byggðasöfn störfuðu á sama hátt og á undanförnum árum
en tölur um aðsókn liggja ekki fyrir.
Ásu Wright fyrirlestur.
Svo sem skýrt hefur verið frá áður stofnaði frú Ása Guðmunds-
dóttir Wright minningarsjóð við Þjóðminjasafnið, sem hefur það
markmið að bjóða hingað einum erlendum fyrirlesara árlega. Fyrsti
fyrirlesari sjóðsins var Hákon Christie starfsmaður þjóðminjavörzl-
unnar norsku, en hann dvaldist hér við rannsóknirnar í Skálholti og
hafði umsjón með þeim að hluta.
Flutti hann fyrirlestur sinn í Árnagarði 16. marz 1970 og nefndist
liann Stavkirkene i bygningshistorisk sammenheng, en Hákon Christie
hefur um langt skeið unnið að rannsóknum á stafkirkjum. Fyrirlest-
urinn var síðan prentaður, eins og gert er ráð fyrir í skipulags-
skránni. Með Hákon Christie dvaldist hér kona hans Sigrid, og fór
þjóðminjavörður með þeim austur í Skálholt, þar sem Hákon hafði
verið við rannsóknir 15 árum áður.