Norðurljósið - 01.01.1972, Blaðsíða 126

126
NORÐURLJÓSIÐ
6. 17.; Jóh. 6. 63.; Efes. 5. 18. 19.; sbr. Kól. 3. 16. En þótt vér
getum lært mikið af mönnum, erum vér ekki háðir þeim. Guðdóm-
legan kennara höfum vér, hinn heilaga Anda.
Yér munum aldrei í rauninni þekkja sannleikann, unz hann kenn-
ir oss. Engu máli skiptir, hve mikil er hin mannlega fræðsla, né
heldur hverjir kenna oss. Það gefur oss ekki réttan skilning á sann-
leikanum. Þótt orðið sé lesið af kappi á móðurmálinu eða frum-
málinu, mun það ekki gefa oss virkilegan skilning á sannleikanum.
Heilagur Andi verður að kenna oss. Vér getum fengið kennslu hjá
honum sérhvert af oss. Sá, sem hann fræðir, mun skilja sannleika
Guðs betur en maður, sem þekkir bæði grísku og hebresku og öll
„hin skyldu tungumál“, sé sá maður ekki fræddur af Andanum.
Andinn mun leiða þann, sem hann kennir, „í allan sannleikann“.
Ekki á einum degi eða á viku né á heilu ári, heldur spor fyrir spor.
Tveir þættir fræðslu Andans eru nefndir. (a) „Hann mun kunngera
yður það, sem koma á“. Margir segja, að vér getum ekkert vitað um
framtíðina, að allt, sem vér hugsum um það efn', sé ágizkun ein.
Sérhver sá, sem Andinn kennir, veit betur en þetta. (b) „Hann mun
vegsama mig“ (þ. e. Krist), „því að af mínu mun hann taka og kunn-
gera yður“. Þetta er hið sérstaka verk heilags Anda, jafnt hjá trúuð-
um sem hjá vantrúuðum, að kunngera þeim það, sem Krists er, og
að gera hann dýrlegan. Margir óttast, sé áherzlan lögð á sannleik-
ann um heilagan Anda, þá verði Kristur minna vegsamlegur. Það
vegsamar engmn Krist sem heilagur Andi. Vér munum aldrei skilja
Krist, né sjá dýrð hans, nema heilagur Andi túlki hann fyrir oss.
Þótt þú hlustir á ræður og fyrirlestra og jafnvel lesir orðið, mun það
aldrei gefa þér skilning á því, sem Krists er. Heilagur Andi verður
að sýna þér það, og hann er fús til að gera það. Hann þráir að gera
það. Ég býst við því, að það sé innsta þrá heilags Anda, að opinbera
mönnunum Jesúm Krist. Láttu hann gera það. Vér sjáum Krist í allt
öðru ljósi, þegar heilagur Andi gerir hann dýrlegan með því að taka
af því, sem Krists er, og kunngera oss það.
11. Vér snúum oss að Jóh. 14. 26. Þar er aftur talað um mátt
heilags Anda til að kenna, en nýrri hugsun hætt við: „En huggarinn,
Andinn heilagi, sem faðirinn mun senda í mínu nafni, hann mun
kenna yður allt, og mínna yður á allt, sem ég hefi sagt yður.“ Heil-
agur Andi hefir kraft til að minna menn á orð Krists. Fyrirheit þetta
var fyrst og fremst gefið postulunum og er trygging fyrir áreiðan-