Réttur - 01.10.1934, Qupperneq 42

skrár. Þessir hlutar borgarastéttarinnar kröfðust þess
af Hitlersstjórninni sem fulltrúa sínum, að hún létti af
þeim kreppubyrðunum með því að veita þeim æ meiri
möguleika til arðráns á verkalýðnum. Ógöngur þær,
sem atvinnulíf Þýzkalands var komið í, gerði þetta að
lífsskilyrði fyrir þýzka stórauðvaldið. í þessu skyni gaf
stjórnin út þrælalögin frá 20. jan. 1934, sem ganga áttu
í gildi 1. maí. Þessi lög afnema öll þau réttindi í verka-
málum, sem þýzki verkalýðurinn hefir unnið sér til
handa undanfarna áratugi, þau afnema alla þá kaup-
taxtasamninga, sem verið hafa í gildi fram til þessa,
taka kaupsamningaréttinn af verkalýðssamtökunum og
gera hvern verkamann einstakan að samningsaðiia
gagnvart atvinnurekandanum. Þessi lög tókst nú ekki
hinni fasistísku stjórn að framkvæma. Framkvæmd
þeirra var frestað, fyrst til 1. júní, síðar til 1. okt.,
vegna andspyrnu verkalýðsins, sem kom meðal annars
fram í daglegum verkföllum um allt Þýzkaland síðast-
liðið ár, jafnvel með þátttöku sjálfra hinna fasistísku
verksmiðjufélaga. En nú var ekki lengur hægt að her-
væða hina vonsviknu og óánægðu millistétt utan og
innan stormsveitanna til stuðnings árásunum á verka-
lýðinn með sama hætti og fyrstu mánuðina. Þetta kom
greinilega fram við trúnaðarmannakosningarnar í verk-
smiðjunum, sem fram fóru í maí s. 1. og enduðu með full-
um ósigri nazistanna. Þetta skapaði þá skoðun meðal
nokkurs hluta þýzka auðvaldsins, að fylgi millistéttar-
innar væri ekki lengur nægilega tryggur grundvöllur
fyrir völdum þess. Það heimtaði nýjan grundvöll. Þessar
kröfur framkvæmdi Hitler með upplausn stormsveitanna
og hinna nazistisku verksmiðjufélaga. Ríkisvaldið skyldi
byggt á Ríkisvarnarliði (Reichsvehr) og lögreglu. Mill-
jónagrundvöllur þess var tekinn að þrengjast og orðinn
hvarflandi. Nazistaalræðið færðist æ meir í form hins
hreinræktaða hernaðaralræðis.
Þetta er merking hins blóðuga dags, 30. júní í Þýzka-
landi.
138