Andvari - 01.01.1985, Page 15

ANDVARI
SIGURÐUR PÓRARINSSON
13
ur á allar greinar. í skýrslu Menntaskólans á Akureyri fyrir 1930—31
segir að á árshátíð skólans um vorið hefði það „sætt nýlundu, að Sig-
urður Þórarinsson, dux scholœ, mælti blaðalaust á latínu fyrir minni
kennara, en Arni Þorvaldsson þakkaði á sömu tungu. Hefir vafalaust
ekki verið flutt ræða á latnesku í norðlenzkum skóla síðan 1802“.(>
Sigurður tók reyndar hreina 8 (á Örsted) í latínu á stúdentsprófi og
varð dux eins og fyrr sagði. A námsárum sínum á Akureyri, og jafnan
síðan, átti Sigurður athvarf hjá Baldvin Ryel konsúl og Gunnhildi konu
hans, og voru hlýleikar þar á milli meðan ævin entist.
Á Akureyri var Pálmi Hannesson framan af kennari Sigurðai í nátt-
úrufræði, en hann gerðist rektor Menntaskólans í Reykjavík haustið
1929. Mun hann hafa tendrað áhuga Sigurðar á þeim fræðum, og þó
einkum jarðfræði. Latína og bókmenntir áttu einnig í honum sterk
ítök, og að stúdentsprófi loknu mátti Sigurður velja milli þessara
greina. Varð náttúrufræðin ofan á, og mun það hafa átt sinn þátt í val-
inu að auðveldara var að fá styrki til náms í jarðfræði en latínu eða bók-
menntum, en þá var mikill hörgull á náttúrufræðilega menntuðum
mönnum hérlendis.
IV
Á þessum árum lágu leiðir flestra íslendinga, sent leggja vildu stund
á háskólanám, til Kaupmannahafnar. Sigurður innritaðist í jarðfræði-
deild háskólans þar haustið 1931. Vorið eftir lauk hann prófi í for-
spjallsvísindum en sagði síðan skilið við Höfn og hélt til Stokkhólms.
Var jarðfræðideildin í Höfn fremur gamaldags og lítt áhugavekjandi
um þær mundir en Stokkhólmsháskóli hins vegar mjög framarlega í
jarð- og landafræði. Voru margir heimsfrægir vísindamenn þar saman
komnir, t. d. þeir Gerard de Geer, höfundur hvarflagatímatalsins og
Lennart von Post, frumkvöðull nútíma frjógreiningar. Einnig var þá
tiltölulega nýkominn að Stokkhólmsháskóla Hans W:son Ahlmann
landmótunarfræðingur, sem Sigurður starfaði síðar með um Iangt ára-
bil. Voru þeir allir kennarar Sigurðar, svo og P. D. Quensel, og var það
harðsnúið kennaralið. Lennart von Post hafði gert frjógreiningu að
öflugu tæki til aldursgreininga og rannsókna á gróðurfari liðinna tíma
árið 1910, og milli heimsstyrjaldanna leitaðist hann við að útbreiða þau
fræði sem mest með því að safna að sér efnilegum mönnum hvaðanæva
að. I þeim hópi var Sigurður Þórarinsson, og hafði von Post að þessu
leyti sama hátt á og hinn frægi Linné forðum, sem safnaði að sér stúd-
entum og sendi til fjarlægra heimshorna að safna plöntum. Má ætla að
von Post hafi ætlað Sigurði svipað hlutverk á íslandi.