Andvari - 01.01.1985, Page 34

32
SIGURÐUR STEINÞÓRSSON
ANDVARI
grandað mörgum. Þetía vissu Bretar, en þó gat ekkert fengið þá til að
lengja leið sína vestur fyrir. Enda fór það svo, að eitt skipið í lestinni
varð fyrir skeyti. Stóðu þeir Sigurður og Þorbjörn á dekki og horfðu til
lands þegar þetta gerðist, en áttu hálftæmd glös undir þiljum því þeir
höföu verið að skála fyrir landsýninni. Sagði Þorbjörn þá: „Ég held ég
fari niður og klári úr glasinu." Sagði Sigurður þessa sögu til marks um
stáltaugar Þorbjarnar.
Þegar heim kom fékk Sigurður starf sem sérfræðingur á Iðnaðar-
deild Atvinnudeildar háskólans og hjá Rannsóknaráði ríkisins, en
framkvæmdastjóri þess var þá Steinþór Sigurðsson. Störfuðu þeir sam-
an að ýmsum jökla- og eldfjallarannsóknum unz Steinþór beið bana við
Heklu haustið 1947. Einnig hóf Sigurður stundakennslu í Mennta-
skólanum í Reykjavík og hélt því áfrarn í eina tvo áratugi. Þá vann
hann einnig allmikið að undirbúningsrannsóknum vegna virkjana fyrir
Raforkumálaskrifstofuna, svo sem við Fossá við Olafsvík, Göngu-
skarðsá, Þverá í Steingrímsfirði og Neðri-Fossa í Laxá í Þingeyjarsýslu.
Urðu störf hans við Laxá til þess að hann tók að rannsaka eldstöðvar og
hraun við Mývatn, sem hann síðan skrifaði um fjölda ritgerða. Vegna
hugmynda um virkjun Jökulsár á Fjöllum rannsakaði hann einnigjarð-
fræði Jökulsárgljúfra rækilega og þá um leið breytingar á farvegum ár-
innar og rofsögu gljúfursins með tilstyrk öskulagafræðinnar. Hafa
niðurstöður þeirra rannsókna reynzt óbrotgjarnar þótt mikið verk hafi
verið unnið þarna síðan.
Hinn 1. janúar 1947 voru þeir Sigurður og dr. Finnur Guðmunds-
son dýrafræðingur skipaðir forstöðumenn Náttúrugripasafnsins. í
skipunarbréfi Sigurðar segir að hann sé ráðinn til þess „unz öðruvísi
kann að verða ákveðið, að veita Náttúrugripasafninu forstöðu í sam-
vinnu við dr. Finn Guðmundsson. Ber yður og dr. Finni að gera hingað
tillögur um framtíðarskipan safnsins og vera ráðuneytinu til aðstoðar
um væntanlega samninga við háskólann varðandi safnið og húsakynni
|)ess. Ennfremur er yður falið:
að hafa með höndum eðlileg samskipti á sviði náttúruvísinda við
fræðimenn annarra þjóða og koma skipun á þau,
að gera, ásamt rannsóknaráði ríkisins, tillögur og áætlanir um heild-
arrannsókn landsins,
að veita jarðfræðilega aðstoð og leiðbeiningar um opinberar fram-
kvæmdir, þar sem slíks er þörf,
að annast, samkvæmt nánari fyrirmælum ráðuneytisins, kennslu í
náttúrufræði, ef kennsla í þeirri fræðigrein verður hafin við háskól-
ann.“