Skírnir - 01.01.1930, Page 281
Skírnir] Alþingi árið 1845. 275
þingistollur með opnu bréfi 18. júli 1848, þannig að 3li
kostnaðarins skyldi jafna á allar jarðir á landinu eftir
leigumála þeirra, en lU á lausafjárhundruðin í landinu.
Prestssetur, kirkjujarðir og kristfjárjarðir voru undanþegnar,
en með opnu bréfi 2. apríl 1853 var ákveðið, að skattinn
skyldi greiða af eftirgjaldi af jörðum bændakirkna, að prests-
mötu frádreginni. Skattur þessi þótti að ýmsu ranglátur,
einkum að því leyti sem hús og lóðir í kauptúnum voru
undan honum þegnar. Hann var af numinn með lögum nr.
9, 11. febr. 1876.
Upphaflega var til þess ætlazt, að Alþingi kæmi sam-
an fyrsta sinní sumarið 1844, og var það kvatt til fundar
1. júlí það ár með opnu bréfi 27. sept. 1843. En þess var
enginn kostur, því að seinagangurinn á öllu var svo mik-
ill, að undirbúningi undir kosningar varð ekki lokið svo
sncmma. Kancellíið hafði, eins og vant var, fyrst dregið
afgreiðslu málsins fram í marz 1843 og síðan látið dragast
ákvörðun um fyrsta þinghaldið og allan undirbúning þar
til í september 1843. Varð því að fresta samkomu þings-
ins um eitt ár, og var svo boðið með opnu bréfi 6. marz
1844, að það skyldi koma saman 1. júli 1845.
II.
Þingið sjálft 1845.
Þriðjudaginn 1. dag júlímánaðar var hið fyrsta íslenzka
ráðgjafarþing sett í Reykjavík. Áður höfðu þingmenn geng-
ið til kirkju og hlýtt messu í dómkirkjunni. Prédikaði Helgi
Guðmundsson (Thordersen), síðar biskup, og lagði út af
3. kap. 17. versi í bréfinu til Kolossaborgarmanna.
Bardenfleth, stiftamtmaður í Fjónsstifti, hafði verið nefnd-
ur fulltrúi konungs á fyrsta þinginu. Hann hafði verið hér
úður stiftamtmaður og því nokkuð kunnugur íslenzkum
högum. Bardenfleth var og konungsfulltrúi á þinginu 1847.
Aðstoðarmaður konungsfulltrúa var Páll Melsted, síðar
18*