Búnaðarrit - 01.01.1917, Blaðsíða 144
138
BÚNAÐAREIT
Fjöllin víöa svo há, að sólin kemst ekki upp fyrir þau,
þegar hún er lægst á lofti. Þau stytta því sólarganginn.
En þá er að reyna að afla sér góðrar birtu eða Ijóss á
annan hátt, og það verður í framtíðinni með því að
breyta vatnsaflimi í Ijós og hita. Það kostar að vísu
mikið í fyrstu, en með tíð og tíma borgar það sig. Og
þegar þetta er fengið, geta menn notað sauðataðið alt
til áburðar, og með því aukið ræktunina, stækkað túnin
og aflað meiri töðu handa skepnunum.
Bæjarhrepps-búnaðarfélagið er gamalt og gott félag.
Formaður þess er séra Eiríhur Qíslason, prófastur á Stað
í Hrútafirði. Hefir hann verið í félaginu síðan hann sat
á Prestsbakka. Félagið vinnur einlægt meira og minna
að jarðabótum. Árin 1911—’13 komu þar um 50 dagsverk
á mann til jafnaðar á ári. í hinum félögunum er það
tíðast minna.
Búnaðarfélagið í Kirkjubóls- og Fellshreppi heflr starfað
jafnt. Mestar eru jarðabætur þess árið 1912. Þá eru
dagsverkin 1158, og komu þá nálægt 50 dagsverk á
hvern félagsmann.
Þegar Asgeir alþm. Emarsson á Þingeyrum bjó í
Kollafjarðarnesi um miðja 19. öld, kom hann á þar í
sveitinni félagsvinnu í jarðabótum á árunum 1845—’55.
•Gerði hann þá sléttur þar í túninu, og notaði plóg og
herfi við sléttunina og sáði grasfræi. Grasið, sem spratt
upp af fræinu, mun svo að líkindum hafa dáið út, því
um 1870 er sagt, að flögin eða sléttan hafi veiið þakin
Baldursbrá1). Seinna greri svo flagið, og slétta þessi eða
sléttur eru enn við líði og halda sér vel.
Eftir að Ásgeir flutti frá Kollafjarðarnesi, lagðist þessi
félagsvinna alfarið niður. Varð nú hlé á jarðabótum þar
í sveitinni um langt skeið. En árið 1890 er svo stofnað
búnaðarfélag fyrir þessa báða hreppa, og hefir það
starfað síðan. Formaður þess er Sigurður hreppstjóri og
búfræðingur Magnússon í Broddanesi.
1) Þetta sagði mér Guðmundur G. Bárðarson í Bæ.