Búfræðingurinn - 01.01.1948, Page 78

76
BÚFRÆÐINGURINN
Lárus Helgason alþingismaður bjó í Kirkjubæjarklaustri á
fyrstu áratugum þessarar aldar. Hann var hinn rnesti atorku-
og framkvæmdamaður, svo sem kunnugt er, og sáust þess glögg
merki. En svo virtist okkur, sem verki hans hefði verið vel fram
haldið af sonum hans, er hér búa nú.
Þá er liðið var fram yfir hádegi var ekið frá Klaustri. Voru
Skaftfellingar með okkur í hverjum bíl. Okkur var hin mesta
skemmtun og fræðsla að fylgd þeirra. Siggeir Lárusson í
Klaustri og þeir fleiri bræður, liöfðu bíl stærri og sterkari en
okkar bílar voru. Með hans aðstoð fórum við yíir óbrúaðar ár,
sem urðu á leið okkar þennan dag. Ekið var austur Síðuna og
er það alllöng leið. Landslagið er einkennilegt, eða svo þótti
okkur Skagfirðingum. Er það allólíkt því sem er í Skagafirði,
svo sem raunar er kunnugt. Þó sannast það hér, eins og víða
annars staðar, að sjón er sögu ríkari. Við komum að Dverg-
hamri. Hann er einkennilegur stuðlabergshamar skammt frá
Fossi á Síðu. Víða í jarðfræðiritum eru myndir af hamrinum
og öðrum klettum slíkum.
Enn héldum við í austur, yfir eystri arm Skaftárhrauns, og
léttum ekki fyrr en við komum að Kálfafelli í Fljótshverfi.
Varð þá ekki austar komizt í bíl, vegna vatnavaxta. En þaðan
sáum við til Núpsvatna á sýslumörkum Skaftafellssýslna.
Helgi bóndi Bergsson í Kálfafelli tók á móti okkur. Hann er
maður skrafhreifinn og skemmtilegur, og fórust honum orð
spaklega. Hann sagði okkur margt um búnaðarháttu Fljóts-
hverfinga. Hér var setzt að kaffidrykkju í boði Búnaðarfélags
Fljótshverfis. Að því búnu var gengið í kirkju og flutti séra
Gísli stutt erindi, en Skagfirðingar sungu nokkur lög.
Kvöddum við nú Helga bónda og aðra þá, er hér höfðu veitt
okkur skemmtun og gestrisni. Var nú snúið heim á leið. Þó
lögðum við lykkju á leið okkar og ókum niður í Landbrot að
Hólnti, þar sem fyrrum bjó hinn þjóðkunni völundur þeirra
Skaftfellinga, Bjarni Runólfsson. Hér er smíðaskóli. Valdimar
Runólfsson, bróðir Bjarna, veitir honum forstöðu. Við kom-
um í smíðahúsið, og þótti okkur þar gott um að litast. Hefði ég
viljað dvelja þar miklu lengur. Hér eru rnörg áhöld og ýmiss
konar munir, sem gerðir eru af hinum mesta hagleik. Gripir