Ársrit Nemendasambands Laugaskóla - 01.01.1928, Blaðsíða 31
29
sýndi, að menn vildu hugsa það betur, áður en ráðist yrði
til framkvæmda. Var það afgreitt með svohljóðandi fund-
arályktun:
»Fundurinn skorar á deildir sambandsins að taka al-
þýðuskólastofnun í héraðinu til rækilegrar yfirvegunar og
leggja fyrir næsta aðalfund ákveðnar tillögur í málinu«.
Haustið 1915 réðist Arnór Sigurjónsson suður til Hvann-
eyrar og dvaldi sunnanlands til vors 1917. En áður hafði
hann falið skólamálið formanni S. Þ. U., Þórólfi Sigurðs-
syni, og varð Þórólfur aðalmaðurinn um sókn málsins frá
því og fram til 1921.
1916 kom S. Þ. U eigi á lögmætum aðalfundi, og það
ár var skólamálið lítið rætt í ungmennafélögunum. Þó
féll það ekki í fyrnsku, og voru jafnvel ýmsar blikur í lofti
um það. Ófst þá að nokkru leyti saman við það annað mál,
sem rétt er að gera nokkura grein fyrir, og er þaó »hús-
stjórnarskólamálið«.
Laust fyrir aldamótin 1900 var stofnað til sambands
meðal kvenfélaga í Suður-Þingeyjarsýslu. Aðal áhugamál
þess sambands var stofnun húsmæðraskóla í sýslunni.
Málinu miðaði hægt áfram, en nokkru fé var safnað, til
að koma skólanum á stofn. Við Eyjafjörð var og hreif-
ing uppi að stofna húsmæðraskóla. 1915—1916 virtist
svo sem úr þessum málum mundi rætast í næstu franitíð,
og að ríkið mundi hjálpa til að stofna hússtjórnarskóla á
Norðurlandi. En þá kom fram allmikill ágreiningur um,
hvar sá skóli skyldi standa, en mestar horfur voru á, að
liann yrði reistur á Akureyri eða þar í næstu grend. Þing-
eyskar konur ætluðu að vísu að sætta sig við það, að
skólinn yrði fyrir innan Vaðlaheiði, en þær lögðu kapp á,
að hann yrði reistur í sveit og sniðinn við hæfi sveita-
kvenna, en vildu ekki leggja fé sitt í hússtjórnarskóla í
kaupstað. Og af þvi, hvernig málið horfði, leiddi, að þær
fóru að hugsa um, hvort ekki væri ráðlegt að koma upp