Ársrit Nemendasambands Laugaskóla - 01.01.1928, Blaðsíða 45

43
flokksmál og hitamál í héraðinu. Sáu forgöngumenn þess
fullljóst, að eigi tjáði annað en fylgja því hiklaust eftir
og af fullu kappi. Formaður S. Þ. U., Þórólfur Sigurðs-
son, réðst því til Reykjavíkurferðar í byrjun febrúarmán-
aðar og fékk sér atvinnu við þingskriftir, til þess einkum,
að geta liaft nokkur áhrif á afgreiðslu málsins á þinginu.
Arnór fékk sr. Hermann Hjarta'rson á Skútustöðum, til að
taka við kenslu sinni við unglingaskólann á Breiðumýri,
en fól konu sinni, Helgu Kristjánsdóttur, er kendi með
honum við skólann, forstöðuna, og fór síðan til Reykja-
víkur síðast í febrúar, til jDess einnig að reyna að hafa
áhrif á úrslit málsins í þinginu. Bjuggu þeir Þórólfur
málið í hendur þingsins, en þingmaður S.-Þingeyinga,
Ingólfur Bjarnarson í Fjósatungu, sótti það í þinginu, og
tókst það mjög giftulega. Hann átti þá í fyrsta sinn sæti í
fjárveitinganefnd neðri deildar og vann alla þá nefnd
óskifta til stuðnings við málið. Sömuleiðis var það verk
hans og þó enn meira Jónasar Jönssonar frá Hriflu, að
Framsóknarflokkurinn í þinginu vanst óskiftur til fylgis
við það. En auk þess unnust ýmsir aðrir þingmenn til
fylgis við það, og var það a. n. I. að þakka atfylgi þeirra
Þórólfs og Arnórs. Málið var afgreitt frá þinginu á þann
hátt, að heimilað var í fjárlögum fyrir 1924 35 þús. krón-
ur til byggingar Alþýðuskóla í Þingeyjarsýslu, þó eigi
meir en % byggingarkostnaðar.
Að þessum sigri fengnum beindist. athygli stjórnar S.
Þ. U. einkum að samningum við prestinn á Grenjaðar-
stöðum um réttindi skólans þar á staðnum. Það gerði þau
mál nokkru þyngri í vöfum, að Arnór vildi ekki reisa skól-
ann á Hjalthúsum, af því að þar nýtur ekki sólar lengi
vetrar vegna múlans fyrir sunnan og ofan. Hinsvegar var
hægt að komast úr þeim skugga með því að byggja
skólahúsið austar í túninu. Presturinn á Grenjaðarstöð-
um tók því ekki illa, að hliðra svo til„ að skólinn fengi