Ársrit Nemendasambands Laugaskóla - 01.01.1928, Blaðsíða 68
66
son lagði fyrstu drögin. Þegar hann kom í kveðjugildi
það, seni byggingarmönnum skólans var haldið 12. des.
1924, hafði hann með sér uppkast að reglugerðinni. Þar
tók Arnór við því, breytti því nokkuð og jók og sendi það
Konráði, sem enn gerði nokkrar breytingar. Síðan héldu
þessir þremenningar fund með sér og urðu ásáttir um
frumvarp til reglugerðarinnar. Enn var það fruinvarp
sýnt ýmsum skólavinum og meðal annars lagt fyrir aðal-
fund S. Þ. U. 26. apríl 1925 og komu fram nokkrar til-
lögur um smávægilegar breytingar.. Var þá frumvarpið
enn endursamið og undirritað sem »RegIugerð Alþýðu-
skóla Þingeyinga« af þeim Jóni, Arnóri og Konráði og
samþykt af stjórn S. Þ. U. 28. Apríl 1925 og síðan sent
stjórnarráði íslands til staðfestingar. Fékk stjórn S. Þ. U.
nokkru síðar þær fréttir frá fræðslumálastjóra, að ekki
mundi þurfa að hafa áhyggjur af reglugerðinni. En það
fór nokkuð á annan veg: 1 september byrjun fékk Arnór
svohljóðandi bréf:
Fræðslumálastjórinn.
Reykjavík 12. ág. 1925.
Ráðuneytið hefur hinn 8. þ. m. skrifað mér á þessa leið:
»Með bréfi, dags. 16. maí þ. á. hafið þér, herra fræðslu-
»málastjóri, sent hingað reglugerð fyrir Alþýðuskóla
»Þingeyinga, er beiðst hefur verið staðfestingar á.
»Jafnframt því hér með að endursenda yður reglugerð-
»ina, skal yður til vitundar gefið, að með því, að í reglu-
»gerð þessari eru ekki ákvæði um próf og prófdómara, er
»sé í samræmi við það, sem áskilið er í auglýsingu ráð-
»herra No. 118 frá 1910 (Stj.T. 1910 B. bls. 231), þykir
»ekki rétt, meöan nefnd auglýsing er í gildi, að staðfesta
»þessa reglugerð eins og hún er«.