Frjáls verslun - 01.04.2014, Qupperneq 14

14 FRJÁLS VERSLUN 4. 2014
Það er talið leticiu ortiz til tekna að hún er ekki af kóngafólki komin. spánverjar eru búnir að
fá nóg af slíku slekti í bili í það minnsta. ný spánardrottning er af alþýðuættum og þjóðkunn
sjónvarpskona. spænska konungdæmið þarf nauðsynlega að ná sambandi við fólkið á ný
eftir óhöpp í valdatíð karls jóhanns.
Þ
að hefur verið töluvert mál
að kynna þessa konu.
Síð ustu tíu árin hefur hún
borið þónokkuð af titlum.
Stallarar við konungshirðir í Evrópu
hafa við heimsóknir orðið að romsa
upp: Prinsessan af Astúríu, Geróna,
Víana; hertogaynjan af Montblanc,
greifynjan af Cervera og lafði
Balagu er gengur í salinn! Nú er þetta
allt miklu einfaldara. Frá 19. júní er
hún bara Spánardrottning.
Leticia Ortiz er alls ekki fædd með
alla þá titla sem hún hefur borið
eftir að hún giftist, nokkuð óvænt,
Filippusi erfðaprinsi af Spáni árið
2004. Og nú er svo komið í konungs­
ríkinu að Jóhann Karl, áður vinsæll
með afbrigðum, hefur sagt af sér
vegna ýmissa miður heppilegra mála
síðustu ár. Leticia Ortiz er því orðin
drottning fyrr en varði.
Konungur fjarlægðist fólk sitt með
árunum; hann harmaði atvinnuleysi
heima en fór sjálfur á fílaveiðar í
Afríku. Og hann á tengdason sem
er á kafi í sukki og svínaríi. Allt vond
mál á erfiðum tímum með atvinnu -
þrefi. Þeir tímar eru löngu liðnir
þeg ar Karl Jóhann breytti Spáni í lýð ­
ræðis ríki eftir harðstjórn og einræði
Frankós.
vottur af bláu blóði
Því þótti nú ráð að láta gosann
taka við af kónginum enda er hann
sjónar mun á undan föður sínum í
vinsældum. En athygli beinist þó
mest að drottningunni Leticiu Ortiz.
Hún er alls engin prinsessa og
engin lafði. Og hvorki greifynja né
her togaynja. Hún er bara sjónvarps ­
fréttakona úr alþýðustétt; dóttir
hjúkrun arkonu og blaðamanns.
Að vísu hafa ættfróðir menn náð að
tengja forfeður hennar og ­mæður
við aðalsfólk bæði á Spáni og Ítalíu.
En það þarf að fara marga ætt ­
liði aftur í tímann til að tengja svo
þessi litli vottur af bláu blóði í æðum
hennar er vart mælanlegur. Einhver
forfaðir hennar hafði verið landstjóri á
Kastillíu en það var árið 1382 og það
þykir langsóttur skyldleiki.
En þetta með konungsdætur og
alvöruprinsessur er ekki lengur
mikilvægt mál þegar erfðaprinsar
kvænast. Sonja Noregsdrottning
var bara fröken Haraldsen – kaup­
mannsdóttir – þegar hún nældi i
Harald krónprins fyrir fjörutíu og sex
árum. Það var smáskandall þá en
síðan er mikið vatn runnið til sjávar í
mörgum konungsríkjum og alvana­
legt orðið að kóngafólk gangi að
eiga almúgamanneskjur.
Þjóðkunn sjónvarpskona
Það sem máli skiptir er að ný drottn ­
ing er vinsæl. Hún er þjóðkunn
vegna starfa sinna að fjölmiðlun og
þekkt sjónvarpsandlit. Spænska
konungsdæmið þarf nauðsynlega
á meiri vinsældum að halda. Þó fer
því víst fjarri að lýðveldissinnum
verði í bráð að ósk sinni um þjóð­
kjörinn forseta – en Karl Jóhann lenti
í mótvindi og því er skipt um karlinn
í brúnni.
Leticia Ortiz er glæsileg, gáfuð og
vel menntuð. Hún hefur meistara­
próf í blaðamennsku og langa
reynslu sem fréttamaður á vettvangi,
sjónvarps þula og fréttastjóri.
Hún fór t.d. til Galisíu á Norður­
Spáni að flytja fréttir af olíuslysinu
þegar tankskipið Prestice fórst
þar með sjötíu og sjö þúsund tonn
af olíu um borð árið 2002. Mesta
mengunarslys í sögu Spánar. Þang­
að fór líka Filippus prins að sýna
heimamönnum stamstöðu í þessum
hörmungum. Þarna kynntust þau og
voru gengin í það heilaga tveimur
árum síðar.
fráskilin en barnlaus
Leticia Ortiz var gift þegar þau
kynnt ust en skildi við mann sinn og
tók prinsinn, sem er allföngulegur en
hlédrægur. Hún fæddist 15. septem­
ber árið 1972 og er fjórum árum yngri
en Filippus, sem lengi var pipar sveinn.
Fyrra hjónaband hennar hafði verið
barnlaust en nú eru tvær prinsessur
komnar í heiminn: Leónóra, átta ára,
og Soffía, sjö ára. Í fyllingu tímans
mun því Leónóra drottning taka við
krún unni á Spáni. Þetta eykur heldur á
vinsældir nýju konungsfjölskyldunnar.
Leticia Ortiz verður hins vegar ekki
valdakona á Spáni með formlegum
hætti. Hún er eiginkona konungs en
ekki staðgengill konungs eins og
stundum er með drottningar. Hitt er
þó víst að áhrifa hennar mun gæta
á komandi árum. Reynsla hennar af
fjölmiðlun skiptir þar miklu. Hún er
þegar þekkt andlit, kann að koma
fyrir sig orði og hefur væntanlega vit
á að forðast skandala. Það skiptir
mestu í stöðunni núna.
TexTi: Gísli KrisTjánsson
sjónvarpskona heillaði prinsinn
Ný konungshjón sest að völdum á Spáni:
Leticia Ortiz
var gift þegar
þau kynnt ust
en skildi við
mann sinn
og tók prins­
inn, sem er
all föngu­
legur en hlé­
drægur.
Ekki spillir fyrir vinsældunum að tvær litlar prinsessur flytja inn í
konungshöllina: Leónóra og Soffía.
nærmynd