Frjáls verslun - 01.04.2014, Side 28

28 FRJÁLS VERSLUN 4. 2014
Ingibjörg Þórðardóttir segir að fasteignamarkaðurinn hafi verið líflegur síðustu vikur og
góðar eignir fari mjög fljótt.
Ólíkt því sem hafi verið undan­
farin ár sé umtalsverður fjöldi nýrra
eigna að koma í sölu og mikið sé
fram undan í byggingu íbúðar­
húsnæðis. Það sé fagnaðarefni
að byggingariðnaðurinn skuli nú
hafa tekið við sér svo um munar
en það sýni að bjartsýni ríki og
hafi í för með sér margháttuð
afleidd störf. Með nýjum eignum
komi fleiri eignir inn á markaðinn
en mikil uppsöfnuð eftirspurn hafi
skapast.
„Hækkandi húsnæðisverð
hefur á hinn bóginn slæm áhrif
á þá sem eru að koma inn á
markaðinn sem fyrstu kaupendur.
Það er orðið mörgum veru­
lega erfi tt að eignast húsnæði
og þónokkuð um að fólk falli
á greiðslumati og sé þannig
nauðbeygt til að fara inn á leigu­
markaðinn, sem reynist mörgum
býsna erfiður enda leiga víða
mjög há. Þetta er nokkuð sem
stjórnvöld verða að huga að með
t.d. vaxta bótum eða viðbótar­
lánum fyrir fyrstu kaupendur.
Auðvitað á fólk að hafa val um
búsetuform en margháttuð teikn
eru á lofti um að stórir hópar
fólks geti ekki eign ast sitt eigið
húsnæði þar sem margháttaðar
hindranir eru í veg inum. Fólki er
þannig beint eða óbeint stýrt inn
á leigumarkaðinn og þarf þá oft
að greiða mun hærri mánaðar­
legar greiðslur til leigusalans en
ef það væri að fjárfesta í eigin
eign. Þannig eru stór leigufélög
að kaupa upp eignir með það
að augnamiði að leigja fólki og
mörgum verða ekki önnur úrræði
tæk þegar fram í sækir. Þetta er
áhyggjuefni.“
Framboð á nýbyggingum
inGiBJöRG ÞÓRðARDÓttiR
– formaður Félags fasteignasala
FASTEIGNA-
MARKAÐURINN
Högni Óskarsson segir að þjónustukannanir séu allra góðra gjaldar
verðar og nauðsynlegar allri
framþróun. „Nýleg grein í Forbes
Magazine setur þó spurningar ­
merki við þetta þegar kemur að
heilbrigðisþjónustu. Í Bandaríkj­
unum er vaxandi áhersla á að
greiðslur til sjúkrahúsa séu
tengd ar gæðum þjónustunnar og
er ánægja sjúklinga stór þáttur í
gæðamatinu. Margt gott má um
það segja. Hins vegar er ánægja
sjúklinga ekki bara tengd bein­
um árangri meðferðar heldur
líka viðmóti læknis, ekki síst því
hversu undanlátssamur hann er
þegar kemur að kröfum sem ekki
er talið læknisfræðilega rétt að
uppfylla. Það eru kröfur um meiri
og oft dýrari greiningarvinnu en
nauðsynleg er, kröfur um sterk
verkjalyf, róandi, örvandi og
sýkladrepandi lyf og innlögn á
sjúkrahús svo eitthvað sé nefnt.
Undanlátssemin getur reynst
vond og dýr læknisfræði þótt
hún hækki ánægjumat á viðkom­
andi lækni. Verri er sú skýra
vísbending að sá hluti sjúklinga
sem ánægðastur er, og um
leið mest kostnaðarskapandi,
er líklegri en ekki til að farnast
illa þegar kemur að árangri
meðferðar. Engu að síður eru
læknar þar vestra undir þrýst­
ingi frá stjórnum/eigendum
sjúkrahúsa um að vinna gegn
sannfæringu sinni til þess að
tryggja hátt ánægjustig fyrir
sinn spítala. Greiðslur frá þriðja
aðila, tryggingum, eru nefnilega
tengdar ánægjustiginu að hluta.
Tryggingargjöld/skattar hækka í
kjölfarið. Það þarf ekki að fjölyrða
um samfélagslegu áhrifin. Það
má líka velta fyrir sér hvort svona
þversagnir geti átt sér stað í
þjónustufyrirtækjum á öðrum og
óskyldum sviðum. Er stundum
fjárfest í aðstöðu og mann­
afla, sem skilar engum aukinni
arðsemi? Skoðið málið.“
HöGni ÓSKARSSon
– geðlæknir og stjórnendaþjálfari
SKIpULAGIÐ Í
VINNUNNI
Eru þeir „bestu“
alltaf bestir?
Álitsgjafar
Nú á haustmánuðum er liðið ár frá því lög um hlutföll kynja í stjórnum
félaga tóku gildi. Lögin hafa
skilað talsverðum árangri í því
að leiðrétta kynjahallann hjá
stærri fyrirtækjum og voru konur
ríflega 30% stjórnarmanna í
þeim fyrirtækjum árið 2013
samanborið við 15% árið 2008.
Kannanir sýna að meirihluti
stjórnarmanna er jákvæður í
garð löggjafarinnar og eykst
jákvæðnin með hækkandi aldri.“
Margret Flóvenz segir að það
sé erfitt að lesa í hvað veldur
aukinni jákvæðni gagnvart lögun­
um með hækkandi aldri en hún
bendir á að skýringarinnar gæti
t.d. verið að leita í því að eldra
fólk átti sig frekar á því að það
dugar ekki að bíða þess að hlut­
föllin jafnist af sjálfu sér eða, sem
verra sé, að yngra fólkið átti sig
ekki á mikilvægi þess að bæði
kynin komi að stjórn fyrirtækja og
annarra samfélagsstofnana.
„Ýmsar vísbendingar eru um að
jafnréttisvitund meðal unglinga
og ungs fólks hafi í mörgum
tilfellum tekið áratuga stökk
aftur á bak og er það verulegt
áhyggjuefni. Þetta má m.a. ráða
af umræðu á samfélagsmiðlum
og gamaldags kynskiptingu í
þátttöku framhaldsskólanema í
félagslífi. Maður spyr sig hvað
valdi, hvaða afleiðingar þetta geti
haft til framtíðar og hvað sé til
ráða. Það er brýnt að fræðsla um
jafnrétti og stöðu kynjanna verði
eðlilegur hluti námsefnis fyrir
börn og unglinga og ekki síður
að við foreldrar tökum okkur á
í uppeldi barnanna okkar hvað
þetta varðar. Þá munu börnin
vonandi einhvern tíma segja
„þetta er einmitt sú veröld sem
ég vil“.“

MARGREt FLÓVEnz
– stjórnarformaður KPMGEndurskoðun
„Og seinna börnin
segja“
ÍS
L
E
N
S
K
A
S
IA
.I
S
O
D
D
6
97
27
0
6/
14
70% súkkulaði?
Tölum saman
Um sjötíu prósent umsvifa Odda í dag snúast um hönnun, framleiðslu og sölu á fallegum
og notadrjúgum umbúðum úr plasti, kartoni, bylgjupappa og hefðbundnum pappír.
Við erum sameinað fyrirtæki Odda, Kassagerðarinnar og Plastprents. Meðal 3.500
viðskipta vina Odda eru fyrirtæki af öllum stærðum og gerðum í matvælaiðnaði,
sjávarútvegi, verslun og þjónustu.
Já, við erum löngu hætt að vera bara prentsmiðja. Þarftu umbúðir, plast eða kassa?
Tölum saman. #oddaflug
UMHVERFISVOTTAÐ
FYRIRTÆKI
Oddi Höfðabakka 3-7, 110 Reykjavík, sími 515 5000, www.oddi.is Umbúðir og prentun