Frjáls verslun - 01.04.2014, Side 43

FRJÁLS VERSLUN 4. 2014 43
Liv hóf starfsferil
sinn að loknu námi
í banka í London
árið 1994 og þá var
farsíma væð ingin að
hefjast þar í landi.
Þaðan lá leiðin í
markaðsdeild Slátur ­
félags Suðurlands
og síðan í starf
markaðsstjóra hjá
Íslenska farsíma fé­
laginu, Tali, sem þá
var nýstofnað.
„Við þetta verða auðvitað mikl-
ar breytingar á fyrirtækinu, nýir
eigendur ákváðu að leggja niður
Tal-vörumerkið og við komumst
í samband við Voda fone svo að
úr verður Og Vodafone.“
Árið 2006, eftir að Liv hafði
hætt störfum hjá Vodafone,
farið í barneignarfrí og gert
stuttan stans við að setja
lággjalda símafyrirtækið Sko á
markað, vann hún ásamt göml -
um samstarfsmanni frá Tali,
Jóakim Reynissyni, viðskipta -
áætl un fyrir nýtt símafyrirtæki.
„Við kynntumst árið 1998 hjá
Tali þegar ég sá um markaðs -
málin en hann um tæknimálin.
Jóakim ákvað að taka ekki
þátt í sameiningu Tals og
Íslands síma heldur gerðist
ráðgjafi og fór að vinna fyrir
Novator í A-Evrópulöndunum
við uppbyggingu á fjarskipta -
þjónustu þar. Þar sá hann allt
sem var að gerast á þess um
erlendu mörkuðum; 3G-tækn -
ina og hraða útbreiðslu hennar
á sama tíma og símafyrirtækin
tvö hér heima höfðu ekki
fjárfest á því sviði og voru fyrir
bragðið byrjuð að dragast aftur
úr. Novator spurði eðlilega um
tækifærin á íslenskum markaði.
Viðskiptaáætlun okkar Jóakims
svaraði þeirri spurningu og með
hana í bakhöndinni var sótt
um 3G-farsímaleyfið og Nova
hleypt af stokkunum.“
Yfir 5 milljarða velta
Framhaldið þekkja flestir.
Nova er orðið annað stærsta
farsímafyrirtæki landsins með
heildarveltu upp á 5,3 milljarða
og yfir hálfan milljarð í hagnað
á árinu 2013. „Við komum inn
á þennan markað til að taka
þátt í breytingunni sem var að
verða á farsímanum samhliða
3G-væðingunni – áhersla okkar
hefur frá fyrsta degi verið á
að opna fólki nýjar dyr að
stærsta skemmtistað í heimi;
net inu beint í farsímann. Til
þess að taka þetta hlutverk
okkar alvarlega og rækta þessa
sérstöðu lögðum við mikla
áherslu á að verða leiðandi
í 4G-þjónustu hér á landi en
Nova hóf fyrst fyrirtækja á
Íslandi 4G-þjónustu í apríl í
fyrra. Í dag á Nova og rekur
eigið 3G+-farsímakerfi á lands -
vísu og 4G-kerfi sem við vinnum
jafnt og þétt að því að stækka.“
Liv segir að nú séu allir að verða komnir með snjall síma og þá megi
segja að komið sé að nýju stigi
í þróun inni. „Fyrirtæki eru
nú að laga sig að því að nær
allir við skipta vinir þeirra eru
komnir með þessi tæki. Þar
með er hægt að nálgast þá með
allt öðrum hætti. Samhliða
snjall símavæðingunni og því
að afka stageta dreifikerfanna
hefur margfaldast eins og raun
ber vitni opnast algjörlega ný
vídd fyrir fyrirtæki og stofnanir
til að nýta þessi tæki í þjónustu
sinni og í samskiptum við við -
skiptavini. Það verður fróð legt
að sjá hvernig snjó bolta áhrif
þessi tækni mun hafa í för með
sér á komandi miss erum og
árum í stöðugt fleiri geirum
atvinnulífsins.“
Víða spennandi tímar
framundan
Um framhald tækniþróunar inn -
ar í farsímageir anum segir Liv
ljóst að menn sem hafi starfað
í þessum farsímakerfum um
árabil hefðu aldrei ímyndað sér
að þessi þráðlausu kerfi myndu
ráða við þennan gífurlega
gagna flutning og þennan hraða
sem nú er raunin. „Þegar mað -
ur sér hvað þessi kerfi eru
orðin öflug og hvað þessi tæki
sem neytendur fá í hendur eru
orðin snjöll þá blasir við gífurleg
breyt ing í allri þjónustu sem þessi
tækni býður upp á og smit ar út
frá sér inn í allar aðrar greinar.
Til dæmis í heilsuþjónustu
og heilbrigðisgeiranum verður
þessi tækni tekin inn í alls
konar tækjabúnað sem þeim
tengist, þessi svokölluðu weara -
bles eins og þau eru kölluð á
ensku, sem þú berð á þér til
dæmis í formi armbands sem
er þá ekki aðeins sími eða úr
heldur líka mælitæki sem birtir
þér t.d. púlsinn, hjart slátt inn,
blóðsykursgildin. Þetta á allt eftir
að fara inn í svona búnað sem
mun geta sent slíkar upplýsingar
áfram þráð laust í tæki sem lesa
af mæl unum og gera viðvart
ef eitthvað er athugavert.
Þetta eru allt upplýsingar sem
munu fara í gegnum þessi
kerfi og hafa í för með sér
gífurlega framleiðniaukningu
og hagræði í fjölda þjónustu-
og atvinnugreina. Fluggeirinn
hefur verið tiltölulega fljótur
að tileinka sér þetta en núna
getur þú hæglega farið á milli
landa á farsímanum eingöngu.
Farseðlar og í rauninni allt
sem ferðamaðurinn þarfnast er
einfaldlega í símanum – nema
reyndar vegabréfið sem þó gæti
alveg endað þar líka einn góðan
veðurdag. Hvernig ætlum við
að nýta þessa nýju möguleika
og taka inn í menntakerfið til
dæmis. Við sjáum bílana sem
eru þegar komnir með sím-
kort og hlaðnir tölvubúnaði.
Fjarskiptafyrirtæki hafa eðli -
lega mikinn áhuga á að að
þjónusta alla þessa geira við að
nýta sér þessi nýju tækifæri.“
Þegar komið er í höfuðstöðvar
Nova í Lágmúla má greina að
stór hluti viðskiptavinanna
er ungt fólk enda ekki farið á
milli mála að Nova hefur – að
minnsta kosti framan af – stílað
mjög inn á að ná athygli yngri
kynslóða. „Já, það er að vissu
leyti rétt,“ svarar Liv. „Þegar
við gerðum markaðskannanir
okkar í byrjun þurftum við
að finna út til hverra þessi
þjónusta okkar höfðaði. Þá er
auðvitað unga fólkið móttæki -
legast en síðan smitar þetta
smám saman út frá sér og
upp í eldri aldurshópa. Núna
er viðskiptamannahópurinn
orðinn mjög breiður enda
værum við ekki komin með
30% markaðshlutdeild nema
svo væri. Undanfarin misseri
hef ur fyrirtækjum í viðskiptum
við Nova fjölgað mikið og sífellt
fleiri fyrirtæki valið að færa
viðskipti sín til okkar. Þannig að
viðskiptavinahópurinn er mjög
breiður og telur yfir 130.000
virk símkort. Þá eru starfs menn
Nova 140 talsins og meðalaldur
starfsmanna í kring um þrjátíu
ár. Yngsta fólkið er yfirleitt í
framlínunni en á tæknisviðinu
erum við með reynslubolta,
stóran hóp sem hefur verið
meira og minna við loðandi far -
síma markaðinn lengi.“
En hvernig upplifir Liv að vera
kona í þessum bransa? „Ég
held að atvinnugeirinn sem
slíkur skipti ekki máli. Þegar ég
var yngri var ég oft eina konan
í hópnum en það gerist sjaldnar
í dag, þessi geiri var mjög
karllægur eins og aðrir geirar
atvinnulífsins, en þetta er að
breytast eins og annað. Á Íslandi
í dag, og þá sér staklega síðustu
misseri, finn ur maður fyrir því
hvaða jákvæðu áhrif umræðan
um jafn ara kynjahlutfall hefur
á við skiptalífið og víðar í
samfélaginu.“
Hinn 1. janúar 1998 féll
niður einkaréttur ríkisins
til fjarskipta og samkeppni
var heimiluð í fjarskiptum á
Íslandi. Samkeppni í síma ­
þjónustu hófst því með
komu Tals á markað í maí
1998.
Nova hóf fyrst íslenskra fjar ­
skiptafyrirtækja 4G­ þjónustu
hér á landi en nú er komið
rúmt ár síðan fyrir tækið hóf
þá þjónustu. Viðskiptavinir
Nova notuðu yfir 50% alls
gagnamagns í farsímum á
Íslandi á árinu 2013.