Frjáls verslun - 01.04.2014, Síða 88

88 FRJÁLS VERSLUN 4. 2014
Ragnheiður Elín Árnadóttir, iðnaðar­ og viðskiptaráðherra:
ragnheiður elín árnadóttir ber það með sér að vera ákafamanneskja. Það er hugur
í henni og ekkert fer á milli mála að henni finnst gaman í vinnunni. Þegar hún er
spurð hvernig þetta fyrsta ár hennar í ráðherraembætti hafi verið og hvernig þeim
málaflokkum sem undir hana heyra hafi vegnað svarar hún að bragði.
Þ
að er óhætt að segja
að þetta fyrsta ár hafi
verið viðburðaríkt,
og í heild get ég sagt
að ég sé mjög bjartsýn fyrir
hönd þeirra málaflokka sem
heyra undir þetta ráðuneyti
– hvort heldur það er á sviði
nýsköpunar eða hönnunar,
orkunýtingar eða iðnaðar. Við
sjáum mikla grósku í ýmsum
stórverkefnum og síðan er ýmis
smærri iðnaður annar þar sem
maður sér að mikið er um að
vera. Í heild finnst mér landið
vera að rísa, það ríkir meiri
bjartsýni og það er aukinn
kraft ur eins og við sjáum í hag -
vaxtarmælingum. Þetta er allt
á uppleið þótt við séum ekki
alveg komin þangað, en margt
sem er í þann veginn að fara í
gang. Mottóið hjá mér hefur
verið að laga það sem er bilað
og efla það sem er í lagi.“
Þá er ónefnd ferðaþjónustan
segir Ragnheiður Elín. „Það
hefur varla farið framhjá
neinum að hún hefur verið á
hraðri siglingu. Við höfum lagt
í mikla vinnu við að kortleggja
starfs umhverfi greinarinnar
með það að markmiði að
bæta umhverfi hennar og ein -
falda regluverk. Við fengum
nýlega í hendur nýja skýrslu
með tillögur um einföldun á
starfsumhverfi og því regluverki
sem greinin býr við. Það þarf að
koma þessari starfsemi meira
upp á yfirborðið því að þar
höfum við aðeins verið að kljást
við svarta atvinnustarfsemi,
án þess þó að hægt sé að taka
þessa grein eina út fyrir sviga
að því leytinu. Síðan liggja
fyrir verkefni sem fylgja hinum
öra vexti í ferðaþjónustunni,
eins og gjaldtökumálin sem
hafa verið fyrirferðarmikil. En
í heild hefur árið verið ótrú -
lega viðburðaríkt og hrika -
lega skemmtilegt. Þetta er
skemmtilegt ráðuneyti að því
leyti að hér erum við alltaf
að byggja upp og leita nýrra
tæki færa. Við erum að byrja
að sjá afraksturinn af hinu og
þessu sem unnið hefur verið
að undanfarin misseri og ég
ætla að leyfa mér að vera mjög
bjartsýn fyrir komandi ár.“

Gjaldtökumálin flókin
Með gjaldtökumálunum á
ráð herrann m.a. við náttúru -
pass ann margumtalaða. „Þegar
ég kom hérna í fyrra var þetta
nánast fyrsta verkefnið sem
datt inn á borð hjá mér. Um
það leyti í fyrra voru að koma
fram ýmsar skýrslur héðan og
þaðan – bæði frá opinberum
aðilum og einkageiranum –
þar sem verið var að fara yfir
framtíðarsýn ferðaþjónustunnar
og gjaldtökumálin þar með
talin. Við hér í ráðuneytinu
tókum allar þessar skýrslur
og fórum vel og vandlega yfir
þær og lagði ég síðan til í ríkis -
stjórninni að náttúru passa leiðin
yrði útfærð. Þetta er flókið
mál og við sáum strax að það
voru mörg sjónarmið uppi. Ég
held ég megi segja að ég hafi
í fyrra tekið á móti fimmtíu
til sextíu manns sem voru
með jafnmargar mismunandi
skoðanir í þessu efni. Allir
höfðu þeir eitthvað til síns
máls því að þarna er engin
leið sú eina rétta og gallalaus.
Það eru alltaf mismunandi
sjónarmið sem togast á og
mis munandi hagsmunir. En
náttúru passaleiðin varð ofan á.
Ég held hins vegar að forsenda
fyrir henni sé að við náum um
hana góðri sátt. Mér fannst
þegar líða tók að þinglokum
og við vorum svona á síðustu
metrunum með frumvarpið
að umræðan væri einfaldlega
ekki tæmd. Það voru uppi t.d.
lögfræðileg álitamál varðandi
almannarétt og eignarrétt, hvar
mætti rukka og hvar ekki, sem
við vildum útkljá með skýrari
hætti. Þess vegna var ákveðið
að leggja það ekki fram núna
heldur nota sumarið til að
halda áfram þessari vinnu. Við
megum heldur ekki gleyma því
að gjaldtaka er ekki markmiðið
í sjálfu sér, heldur erum við að
leita leiða til þess að fjármagna
uppbyggingu á fjölsóttum
ferðamannastöðum, tryggja
vernd náttúrunnar og öryggi
ferðamannanna sem okkur
heimsækja.
Og af því að málið er svo
brýnt ákvað ríkisstjórnin að
minni tillögu að láta taka út
hvaða staðir það væru sem
þyldu enga bið og þyrfti að
ráðast í úrbætur á strax. Allir
höfðu áhyggjur af þessu sumri
sem stefnir í að verða eitt
metárið enn. Við settum þess
vegna tæpar fjögur hundruð
milljónir í verkefni sem eiga
það öll sameiginlegt að vera
brýn hvað varðar náttúruvernd,
voru komin á framkvæmdastig
og með fjárhagsáætlun klára.
Þetta voru verkefni út um allt
landið er að rÍsa
2014
áhrifamestu
konurnar
100
TexTi: Björn viGnir siGurpálsson