Frjáls verslun - 01.04.2014, Page 99

FRJÁLS VERSLUN 4. 2014 99
„Það byrjar erfið kjara samn ­
ingalota strax á ný í haust
sem mun skipta miklu um
áframhaldandi stöðug leika.
Við höfum sýnt að við getum
náð árangri og sá árangur
hefði jafnvel getað orðið enn
meiri ef við hefðum snúið
bökum enn þéttar saman.
Við þurfum að muna það í
haust.“
2014
áhrifamestu
konurnar
100
M
argrét Kristmannsdóttir
segir að sá árangur sem hún
er ánægðust með hjá Pfaff
það sem af er árinu sé að
starfsmenn hafa náð að leggja meiri áherslu
á það sem skiptir máli og skilar mestri
framlegð. „80/20-reglan á yfirleitt við, þ.e.
það skiptir miklu að eyða orku og tíma í
það sem skiptir máli.“
Þegar hún er spurð hvort henni finnist
atvinnulífið vera komið upp úr hjólför un-
um segir hún að þau séu enn til staðar – þó
grynnri en áður en gætu dýpkað hratt á
ný ef óvarlega er farið. „Sígandi lukka er
best og vonandi hefur atvinnulífið og hið
opinbera lært að ef við förum of hratt upp
er líklegra að skellurinn verði meiri þegar
við förum niður á við. Það má ekki verða
ofnotaður en innihaldslítill frasi að sýna
agaða hagstjórn.“
Hún viðurkennir að hún sé bjartsýnni á
uppgang atvinnulífsins nú en á sama tíma í
fyrra og bætir við að hún sé reyndar oftast
bjartsýn.
Hvað með brýnasta verkefni
ríkisstjórnarinnar? Hún segir að það sé
að vinna traust aðila vinnumarkaðarins.
„Það byrjar erfið kjarasamningalota strax
á ný í haust sem mun skipta miklu um
áframhaldandi stöðugleika. Við höfum sýnt
að við getum náð árangri og sá árangur
hefði jafnvel getað orðið enn meiri ef við
hefðum snúið bökum enn þéttar saman.
Við þurfum að muna það í haust. Síðan
er það þetta klassíska að tryggja að Ísland
búi við sömu skilyrði og löndin sem við
keppum við og þar eigum við langt í land
og eru viðfangsefnin stór og erfið.“
Margrét segir að það sé í flestum greinum
tiltölulega auðvelt að stofna fyrirtæki
á Íslandi og komast inn á markaði.
„Spurningin er miklu frekar hversu aðl að -
andi það er að stofna fyrirtæki hér á landi.
Ef við gætum valið hvar við myndum vilja
stofna fyrirtæki, væri Ísland á þeim lista?“
Hvað varðar þrenn algengustu mistök
stjórnenda í starfi segir Margrét það vera
að sýna hroka, telja sig vita allt best og
kunna ekki að hlusta.
Hvað með besta veganestið sem hún hefur
fengið í stjórnun? „Vertu þú sjálf(ur) –
hvorki meira en heldur ekki minna.“
margrét er varaformaður samtaka atvinn u­
lífsins, í stjórn Bl og kringlunnar og stjórn
og framkvæmdastjórn sa.
sígandi lukka er best
Margrét Kristmannsdóttir, framkvæmdastjóri Pfaff: