Gripla - 20.12.2007, Qupperneq 139

AKRABÓK 137
ÆVI SKRIFARANS OG KVÆÐAGERÐ
Um Árna Böðvarsson eru miklar heimildir kunnar. Viðamikil og nákvæm
rannsókn á ævi hans og skáldskap eftir frumheimildum var gerð af Birni Karel
Þórólfssyni og birtist hún í inngangi að útgáfu Brávallarímna eftir Árna á veg-
um Rímnafélagsins árið 1965. Einnig skrifaði Björn langa grein í Andvara
1963, „Árni Böðvarsson skáld“, í minningu þess að liðin voru 250 ár frá fæð-
ingu hans. Greinina byggði Björn á rannsóknum sínum til undirbúnings útgáfu
rímnanna, þótt sumt sé þar eðlilega öðruvísi en í innganginum.
Sagt er, að eftir að Björn hafi unnið mörg ár að útgáfunni hafi hann komið
niður á handritadeild Landsbókasafnsins í gamla Safnahúsinu við Hverfisgötu
og hitt að máli Lárus H. Blöndal bókavörð og sagt: „Nú er komið að miklum
tímamótum í mínu verki.“ „Nú, ertu búinn með rímurnar?“ spurði Lárus. „Nei,
ég er kominn að rímunum“, svaraði Björn. Þetta samtal segir margt um tilhög-
un útgáfunnar, því að þar er miklu meira sagt frá höfundinum og öðrum rit-
störfum hans en rímunum einum heldur en annars er venja í útgáfum Rímna-
félagsins. Fyrir vikið er kveðskapur Árna Böðvarssonar betur rannsakaður en
flestra skálda frá svipuðum tímum, og væri gott fyrir yfirsýn um andlega iðju
hérlendis, ef verk fleiri skálda fyrri alda hefðu verið rannsökuð jafnnákvæm-
lega og skáldskapur Árna. Helst skortir innganginn, að þar vantar efnisyfirlit
og registur, og þá ekki síst yfir þau mörgu handrit, sem vitnað er til. Brýn
nauðsyn er á að gera nákvæma handritaskrá yfir þennan merka inngang.
Árni Böðvarsson var fæddur á Slítandastöðum í Staðarsveit á Snæfellsnesi
árið 1713. Faðir hans var Böðvar Pálsson, sonur Páls Ketilssonar prests Jör-
undssonar í Hvammi í Dölum. Séra Ketill í Hvammi var móðurafi Árna Magn-
ússonar handritasafnara. Árni Magnússon og Árni Böðvarsson voru því af
öðrum og þriðja að skyldleika.
Böðvar faðir Árna var skólagenginn, þótt aldrei yrði hann prestur. Árni
Böðvarsson varð stúdent úr Hólaskóla, sennilega árið 1732, en varð aldrei
prestur.13
Árni var tvígiftur en börn hans lifðu hann ekki. Fyrri konan hét Helga
Sigurðardóttir, en ekki stóð það hjónaband lengi. Árið 1743 var Árni dæmdur
hórsekur, en árið áður hafði hann eignast (s. xv): „barn fram hjá með giftri
13 Árni Böðvarsson. Brávallarímur. Björn Karel Þórólfsson bjó til prentunar. Rv. 1965. s. xi–xii
(Rit Rímafélagsins. VIII.) (Hér eftir verður í meginmáli vitnað til inngangsins með rómversk-
um síðutölum). Sjá einnig: Jonna Louis-Jensen. “Af láni og óláni.” Con amore. En artikel-
samling udgivet på 70-årsdagen den 21. oktober 2006. Kbh. 2006. s. 105–106.