Múlaþing: byggðasögurit Austurlands - 01.01.1982, Side 73

MULAÞING
69
ins að einungis fyrri viku ærnar voru teknar heim þegar hægði, hinar
ekki fyrr en um sauðburð.
A þriðjudag sóttum við féð norður á Herjólfsvík og rákum suður á
Skálanes. Var það rekið sömu leið og ég hafði farið norður á Herjólfsvík
í bylnum, nóttina sælu því hin venjulega leið var algerlega ófær vegna
snjóa. Þann dag var veður orðið sæmilegt en kalt.
Daginn eftir, miðvikudag, fórum við aftur út á Skálanes, tókum fyrri
viku ærnar úr og rákum þær heim. Fórum við með þær upp á Skálanes-
heiði og inn yfir Rauðatind. Gekk sú ferð seint en slysalaust.
Ekki var þó til setunnar boðið. Næstu tveir dagar fóru í að ná heim
heyi utan af Skálanesi. Var þá orðið kyrrt í sjó en heyið fluttum við á bát
er við áttum. Tókum við upp tvö hey, bundum og fluttum heim.
Nú fór tíðin batnandi hægt og hægt. Féð, sem eftir var útfrá, hafði
alltaf jörð því snjó hafði rífið mikið af Skálanesinu. Síðari hluta vikunn-
ar var sólbráð á hverjum degi en þó var ekki farið að sjá á dökkan díl í
Húsavíkinni sjálfri um helgina, en upp úr henni fór að skjóta upp hnjót-
um.
Rösklega viku eftir bylinn lögðumst við bræður í mislingunum. Vafa-
laust hefur erfiðið og þreytan dagana á undan átt sinn þátt í því að við
fórum flestir illa út úr þeim og vorum við mikið frá verkum á sauðburð-
inum. Sérstaklega fór ég illa út úr mislingunum og var frá verkum í sex
vikur. Hins vegar var tíðin allgóð og það bjargaði. Því skal heldur ekki
gleymt að þá nutum við góðrar hjálpar Jóns sáluga Þorsteinssonar á
Hólshúsum og verður hún seint fullþökkuð.