Múlaþing: byggðasögurit Austurlands - 01.01.1982, Blaðsíða 123
MULAÞING
119
arfirði í rúm 50 ár hefur kennt börnum söng á vegum skólans annað
slagið og seinast 1966. (G. Þ.).
Haustið 1956 kenndi Kjartan Jóhannsson úr Arnessýslu nemendum
söng. Var hann fenginn hingað í því skyni en ennfremur æfði hann
kirkjukórinn. Hélt hann söngskemmtun með nemendum skólans.
(R. H.).
1968 er Steingrímur Sigfússon, þá tónlistarkennari á Búðum, fenginn
til að kenna nemendum hér söng, en einnig veitti hann börnum tilsögn í
blokkflautu- og píanóleik. Vegna veikinda hans kenndi Eyjólfur Olafs-
son frá Fáskrúðsfirði seinni hluta vetrar. (S. J.).
Næst er fenginn tónlistarkennari haustið 1979. Var það Kristinn Rós-
antsson þá búsettur á Djúpavogi og kom hann hingað akandi vikulega
tvisvar eða þrisvar sinnum, en mætingar hans voru lélegar og gaf
kennsla hans illa raun og féll því íljótt niður.
Vorið 1980 kom Kjartan Ólafsson tónlistarkennari frá Fáskrúðsíirði
til starfa og kenndi nokkrar vikur. Einnig kenndi hann skólaárið 1980-
1981. Fór kennslan fram í húsnæði Bókasafns Stöðvarhrepps í kjallara
Samvinnubankaútibúsins. Kom hann m. a. á fót skólakór, er hélt söng-
skemmtun í jan. 1981 eins og áður er að vikið. Auk þess nutu margir
skólanemendur leiðsagnar hans í blokkflautu-, píanó og gítarleik.
XII.
Iþróttastarfsemi
Aður er rætt um leikfimikennslu í skólanum. Ég sé þó ástæðu til að geta
nánar um þann hluta íþróttaiðkana, sem farið hefur fram utan hefð-
bundinnar leikfimi og heyrir ekki beint undir hana. Þeir, sem höfðu
með höndum leikfimikennslu í eldri skólanum fyrstu árin, hafa trúlega
sumir hverjir hvatt börnin til hreyíingar, t. d. boltaleikja úti við. Þá
þegar voru strákar byrjaðir að sparka bolta. Vel man ég eftir tveimur
leikjum, er mikið voru iðkaðir á skólaárum mínum hér, bæði í frímínút-
um og utan skólatíma og höfðu verið leiknir mörg undanfarin ár. Þetta
voru svonefndur „Pinnaleikur“ og „Slagbolti“. Einnig var eitthvað
leikinn handbolti og oft farið í „Yfir“ við skólahúsið.
Fyrsti aðilinn, sem ég tel að hafi beitt skipulögðum áróðri (og þá
nteina ég í jákvæðri merkingu þess orðs) fyrir íþróttaiðkunum og sýnt
fordæmi þar að lútandi, var Bergur Hallgrímsson, en hann var leikfimi-
kennari 1959-1961. Var hann búsettur hér í nokkur ár, var einn af
hinum þekktu íþróttamönnum frá Hafnarnesi við Fáskrúðsfjörð og