Múlaþing: byggðasögurit Austurlands - 01.01.1997, Page 10

Múlaþing
Kladdadagbók stýrimanns
Svo vel vill til að varðveist hefur afrit af kladdadagbók (minnisbók) undirrituð af
Asgeiri Jónassyni, 1. stýrimanni á Sterling. Hér er birt orðrétt afrit af henni, aðeins
leiðréttar stafavillur, og þess getið ef fleira er lagfært. Ásgeir hefur ritað nafn sitt undir
hverja færslu en hér er nafn hans einungis sett við lok bókarinnar:
Þriðjudagurinn 2. maí
Um kl. 9 f.h. var farið með mótorbáta og fólk frá Seyðisfirði um borð og haldið
áfram að bjarga því sem óskemmt var og vörum á millidekkinu, og lausum áhöldum
skipsins og allt framkvæmt undir umsjón manns sem sýslumaðurinn á Seyðisfírði hafði
kjörið til að hafa eftirlit með því. Verið að því allan daginn og fram yfir miðnætti. Var
þá búið að bjarga því sem hægt var af [úr] lestinni og mestu af skipsins lausa dóti.
Annar stýrimaður og Baldur Einarsson leystir af, í staðinn komu til eftirlits þriðji
stýrimaður og Ásmundur Magnússon háseti, og voru þeir um borð um nóttina. Sléttur
sjór. Skipið alveg kyrrt, sjór það mikill í skipinu að í því féll út og að, eins og í sjónum.
Miðvikudag 3. maí
KI. ca 5.30 f.h. kom björgunarskipið e/s Geir. Var frá því sendur kafari og látinn
skoða sjávarbotninn og ástæður allar fyrir utan og undir skipinu, mælt dýpi o.fl. Með
e/s Geir kom fulltrúi vátryggingarfélagsins til yfirlits og ákvarðana. Snemma um
morguninn komu frá Seyðisfirði skipstjóri og fyrsti stýrimaður, sem þar höfðu verið til
að ráðstafa björguðum vörum og undirbúa sjóprófíð sem haldast átti 3. maí. Fóru þeir
rétt strax aftur inneftir til að mæta þar, en því var breytt og ákveðið að það [sjóprófið]
skyldi haldast í Reykjavík. Fóm þá aftur á strandstaðinn fyrsti stýrimaður og annar
vélstjóri og héldu til í e/s Geir. Brim hafði verið um daginn og fór heldur vaxandi og
var því ómögulegt að gjöra neinar björgunartilraunir. Hinar björguðu vömr vom
sorteraðar í landi, skrifaðar upp og borið saman við farmskrámar.
Fimmtudag 4. maí
Kl. 7 f.h. var byrjað að setja mótordælur um borð í e/s Sterling frá e/s Geir og
byrjað að dæla frá vélarrúmi um kvöldið kl. ca 11. Var[ð] það svo þurrt að hægt var að
kveikja upp undir kötlunum og var það gjört. Fólk frá landi kom um borð og sagðist
eiga að bjarga vömm, tóku þeir dálítið upp úr sjónum af ýmsu dóti í II. lest, en vom
sendir aftur af fulltrúa vátryggingarfélagsins með það sem þeir höfðu tekið. Veður var
hið besta allan daginn, brimið minnkaði eftir sem á daginn leið, þrátt fyrir hækkandi sjó.