Múlaþing: byggðasögurit Austurlands - 01.01.1997, Blaðsíða 16

Múlaþing
Sjópróf vegna strandsins
„Ár 1922 mánudaginn 22. maí kl. 10 árdegis var sjóréttur Reykjavíkur settur í
bæjarþingsstofunni og haldinn af bæjarfógeta Jóh. Jóhannessyni og sjódómsmönnunum
H. Hafliðasyni og J. G. Malmberg, var þá tekið fyrir:
Að halda sjóferðapróf út af strandi e/s Sterling héðan úr bænum, í Seyðisfírði 1. þ.
m. Fyrir hönd eiganda Sterlings, ríkissjóðs íslands, er mættur af hálfu Eimskipafélags
íslands, sem hafði útgjörð skipsins á hendi, Sigurður Guðmundsson skrifstofustjóri og
með honum Pétur Magnússon hrm. hér í bænum. Fyrir kaskó-assurandörana
[húftryggjendur] og vátryggendur nokkurs hluta farmsins, er mættur Th. Thostrup
sjótjónserindreki hér í bænum. Fyrir Sjóvátryggingarfélag íslands er mættur Sveinbjöm
Egilsson ritstjóri.
Fyrir réttinum mætti skipstjórinn á hinu strandaða skipi Þórólfur Beck, til heimilis á
Reyðarfirði, sýndi í réttinum dagbók skipsins og lagði fram tvo útdrætti úr henni er væm
bornir saman við bókina og reyndust henni samhljóða. Þingmerktur nr. 1-2
svohljóðandi:
I dagbókinni var ritað vottorð unr samningu hennar í réttinum og skipstjóranum
skilað henni aftur. “
Þórólfur Beck, skipstjóri, leggur enn fram nr. 3, viðbótarskýrslu dagsetta 20. þ. m.
undirritaða af honum og Ásgeiri Jónassyni, 1. stýrimanni, svohljóðandi:
„Skipstjórinn skírskotaði til réttarskjalanna nr. 1-2 er hann kvað hafa inni að halda
rétta, nákvæma og sanna skýrslu um allt það er fram hafði farið og máli skiptir er slysið
bar að höndum og kvaðst hann engu hafa við skýrslur þessar að bæta.
Upplesið, játað rétt bókað. Vék úr réttinum.
Fyrir réttinum mætti 1. stýrimaður á e/s Sterling Ásgeir Jónasson til heimilis á
Lindargötu 7A hér í bænum, 37 ára að aldri, og var áminntur um sannsögli. Vom honum
sýnd réttarskjölin nr. 1 og 2 í þessu máli og kannast hann undir eiðstilboð við að hann
hafi kynnt sér rækilega innihald þeirra. Síðan skrifað sjálfur nafn sitt undir þau og
kveður þau hafa inni að halda nákvæma, sanna og rétta skýrslu um það er fram hafði
farið og máli skipti er hann hefði engu við að bæta. Að gefnu tilefni upplýsir yfirheyrður
að skipið hafi farið með venjulegri ferð c. 9 sjómílur á klukkustund, einnig eftir að beygt
var fyrir Dalatanga, þótt þoka væri, en kvaðst sennilega sjálfur mundi hafa minnkað
ferðina vegna þokunnar, eftir að beygt var fyrir Dalatanga, ef hann hefði haft stjóm
skipsins.
Upplesið, játað rétt bókað. Vék úr rétti.
Fyrir réttinum mætti Baldur Einarsson sjómaður [var háseti. S.M.] til heimilis í
Mjóstræti 8 hér í bænum, 30 ára að aldri og var áminntur um sannsögli. Var honum sýnt
réttarskjal nr. 1 í þessu máli og kannast hann undir eiðstilboð við undirskrift sína undir
það og kveður það hafa inni að halda nákvæma sanna og rétta skýrslu um það, er fram
hafði farið og máli skipti er hann hafði engu við að bæta.
Upplesið, játað rétt bókað. Vék úr rétti.
V
14