Múlaþing: byggðasögurit Austurlands - 01.01.1997, Síða 53

Staddur á Mjóanesi 15-3-[18]83
Heiðraði kunningi-
Af þvi aukapósturinn (Hómer skáld) er hér staddur og fer upp í dal þá rispa ég þér línur þessar að
gamni okkar ef svo gæti verkast. Reyndar hef ég nú ekki handbært neitt af fréttum sem þér eru bjóðandi
því þó ég riti þér eitthvert rugl þá ábyrgist ég það ekki að það sé allt satt því mörgu er logið. Þó veit ég
að það er satt að ég ætla nú til Ameríku í annað sinn og fer það nú þó margar séu mótspymur; ég harðna
nú við hverja mótspymu. Ég get lítið sagt í fréttum að utan úr Hjaltastaðarþingá nema heldur vellíðan
manna þar. Þaðan fara ekki margir bændur nema Haraldur. Ég get ekki sagt með vissu hvort Jón í Gerði
fer en síð var á honum vörin þegar ég skildi við hann síðast. Þó eru ef til vill líkindi til hann fari. Eftir á
að hyggja, - ég ætlaði að geta þess við þig að ég hef borgað Sigríði á Ketilsstöðum skuldina fyrir þig og
telst mér svo til þú eigir að borga mér til baka 2 kr. Ef það er að þér telst líka svo til þá vildi ég biðja þig
að borga mér það og senda mér kr.[ónurnar] með Hómer ef þú getur það mögulega því mér veitir ekki af
uggum [eigum?] mínum eða þá í það minnsta þú skrifar mér til —. Ég nenni ómögulega að skrifa lengur
og hætti því nú hér með heilmiklum lukkuóskum til þín og þinna mælir af einlægni þinn ónýtur kunningi-
Niels Jónsson
Skýringar:
Bréfritari, Niels Jónsson snikkari, skrifar bréfið í Mjóanesi í Skógum en þaðan var seinni kona hans,
Björg Magnúsdóttir. Niels fór til Ameríku 1887 og dó þar tíu árum síðar. Bréfberinn er að sjálfsögu
Halldór Hómer, þekkt þjóðsagnapersóna. Haraldur sá sem nefndur er í bréfinu er væntanlega Haraldur
Pétursson á Anastöðum og Jón í „Gerði“ var Þorleifsson og bjó í Kóreksstaðagerði. Þeir fóru báðir til
Ameríku. Seinni maður Bjargar Magnúsdóttur var raunar Haraldur sá sem Niels nefnir í bréfinu.
51