Jón á Bægisá - 01.11.2000, Síða 29
Hús blómanna
lokið við að snyrta sig, þann mann er ekki að finna í öllum heiminum
sem ekki keypti handa þér heila tunnu af bjór; að hugsa sér annað eins,
glæsileg stúlka eins og þú líður þjáningar langt í burtu frá þeim sem
elska þig.
Ég hef ekki þjáðst svo mikið, sagði Ottilie. Bara stundum.
Svona nú, sagði Baby. Þú þarft ekki að tala um það strax. Þessu er öllu
lokið hvort sem er. Hérna, ástin, komdu aftur með glasið. Skál fyrir
gömlu dögunum og þeim ókomnu! í kvöld ætlar herra Jamison að kaupa
kampavín handa öllum: Frúin lætur hann fá það á hálfvirði.
Ó, sagði Ottilie og öfundaði vinkonur sínar. Jæja, hún vildi vita hvað
fólk segði um hana, mundu menn eftir henni?
Ottilie, þú getur ekki gert þér það í hugarlund, sagði Baby; menn sem
við höfum aldrei séð áður hafa komið í húsið og spurt hvar Ottilie sé, af
því að þeir hafa heyrt um þig langt í burtu, í Havana og á Miami. Hvað
herra Jamison snertir þá lítur hann ekki einu sinni á okkur hinar stúlk-
urnar, kemur bara og situr einn með glasið sitt á veröndinni.
Já, sagði Ottilie hugsandi. Herra Jamison var alltaf góður við mig.
Sól var nú tekin að lækka á lofti og aðeins þriðjungur eftir í romm-
flöskunni. Þrumuskúr hafði vætt hæðirnar stutta stund og nú, út um
gluggann að sjá, blikuðu þær eins og drekafluguvængir og andvari, full-
ur af lykt af regnvotum blómum, fyllti herbergið og lét skrjáfa í grænu og
bleiku blöðunum á veggjunum. Margar sögur höfðu verið sagðar, sumar
þeirra skemmtilegar, nokkrar sem voru sorglegar; það hafði jafnast á við
bestu kvöldsamræðurnar á Champs Élysées og Ottilie var glöð að vera
orðin þátttakandi í þeim aftur.
En það er að verða áliðið, sagði Baby. Og við lofuðum að vera komn-
ar aftur fyrir miðnætti. Ottilie, getum við ekki hjálpað þér að pakka sam-
an?
Þótt hún hefði ekki gert sér grein fyrir að vinkonur hennar ætluðust
til að hún kæmi með þeim, gerði rommið, sem funaði innan í henni, að
verkum, að henni fannst það eðlileg ályktun, og hún hugsaði með sér
brosandi: Ég sagði honum að ég færi. En upphátt sagði hún: Það er ekki
líklegt að ég fengi einu sinni viku til að skemmta mér: Royal mun koma
beina leið niður eftir og sækja mig.
Báðar vinkonur hennar hlógu að þessu. Þú er svo mikill kjáni, sagði
Baby. Ég vildi sjá þennan Royal, þegar nokkrir drengjanna okkar hefðu
jafnað um hann.
Ég þyldi ekki að sjá neinn meiða Royal, sagði Ottilie. Þar að auki yrði
hann bara enn reiðari við mig þegar við kæmum heim.
Baby sagði: En Ottilie, þú kæmir ekki með honum hingað aftur.
á - Syndaflóðið kemur eftir okkar dag
27