Jón á Bægisá - 01.11.2000, Blaðsíða 35
Karen Blixen
Kafarinn
Mira Jama sagði þessa sögu:
í Shiraz bjó ungur trúfræðinemi sem hét Saufe, og var bæði gáfaður og
hjartahreinn. Þegar hann las og endurlas Kóraninn varð hann svo al-
tekinn af hugsunum um engla, að sál hans dvaldi nær þeim en móður
hans eða bræðrum, kennara eða samnemendum eða nokkru öðru fólki
í Shiraz.
Hann endurtók með sjálfum sér orð hinnar Helgu Bókar: „Um
englana, sem með valdi slíta fram sálir manna, og um þá sem draga
fram sálir annarra með mildi, um þá sem innleiða og vísa hinum rétt-
látu í Paradís, og um þá sem fara með undirstjórn í málefnum þessa
heims...“
„Hásæti Guðs,“ hugsaði hann, „verður að standa svo himinhátt að
auga mannsins greini það ekki, og anda hans sundli gagnvart því. En
hinir geislandi englar eru í förum milli djúpblárra sala Guðs og okkar
dimmu húsa og skólastofa. Okkur ætti að vera kleift að sjá þá og hafa
samskipti við þá.
„Fuglar," hugsaði hann, „hljóta að vera líkastir englum af öllum ver-
um. Segir ekki í Ritningunni: „Hvað sem bærist, svo á himni sem á
jörðu, tilbiður Guð, og englarnir líka.“ - Og vissulega bærast fuglar svo
á himni sem á jörðu. Segir ekki ennfremur um englana: „Þeir eru ekki
upphafnir í stolti sem drægi skugga yfir þjónustu þeirra, þeir syngja, og
gera það sem fyrir þá er lagt!“ - og vissulega gera fuglar hið sama. Ef við
reynum að taka eftir fuglunum í öllu þessu, þá verðum við líkari englum
en við erum núna.
En auk þess hafa fuglar vængi, einsog englarnir. Það væri af hinu góða
ef mennirnir gætu gert handa sér vængi, til að lyfta sér í hæðir, þar sem
ljósið er tært og eilíft. Fugl sem þenur vængi sína til hins ýtrasta, getur
hitt engil eða flogið hjá honum á einni af þessum afviknu leiðum lofts-
ins. Eftilvill hefur vængur svölunnar strokist við fætur engils, eða star-
á .JSœ^áá — Syndaflóðið kemur eftir okkar dag
33