Jón á Bægisá - 01.11.2000, Blaðsíða 104
and Nights in Calcutta (ásamt Clark Blaise, 1977), Darkness (1985), The
Sorrow and the Terror: The Haunting Legacy of an Air India Tragedy
(1987), The Middleman and Other Storíes (1988), Jasmine (1989), The
Holder of the Woríd (1993), Wanting Ameríca: Selected Storíes (1995) og
Leave It to Me (1997).
Amrita Pritam (f. 1919) (Fjögur indversk ljóð bls. 80) er upprunnin í
Panjab og skrifar á panjabí, en hefur lengstaf ævinnar búið í Nýju Delhi.
Hún er meðal afkastamestu höfunda Indverja, hefur birt á þriðja tug
skáldsagna, svipaðan fjölda ljóðabóka og fimm smásagnasöfn. Ein kunn-
asta skáldsaga hennar er Pinjar (Beinagrind) sem fjallar um þá skelfilegu
tíma þegar Indland var hlutað í sundur árið 1947 og Pakistan sett á lagg-
irnar. Árið 1956 var hún sæmd æðstu bókmenntaverðlaunum Indverja
fyrir eina af ljóðabókum sínum. Mörg verk hennar hafa verið þýdd á
úrdú, hindí, ensku og rússnesku. Árið 1966 stofnaði hún bókmennta-
tímaritið Nagmani (Gimsteinn nöðrunnar) og ritstýrði því um árabil.
Isaac Bashevis Singer (Sögumaðurinn Naftalíog hesturínn hans bls. 62)
fæddist 1904 í Póllandi. Hann er þekktasti og líklega síðasti stóri rithöf-
undurinn sem skrifaði á jiddísku. „Það eru vítamín í jiddísku sem ekki
eru í öðrum tungumálum," var einu sinni haft eftir honum. Árið 1935
fylgdi hann í fótspor eldri bróður síns, Joshua (1893-1944), sem einnig
var rithöfundur, og fluttist til Bandaríkjanna. Þar hóf hann störf sem
blaðamaður í New York við Jewish Daily Forward, en í því blaði birtist
fyrst mikið af skáldskap hans. Singer skrifaði ætíð fyrst á jiddísku og
þýddi svo á ensku (eða hafði umsjón með þýðingunum). Hann fékk
Nóbelsverðlaunin 1978. Hann þykir hafa náð að endurskapa hina tíma-
lausu gyðinglegu veröld Austur-Evrópu sem nú er hvergi til nema í verk-
um hans. Fjölmargar bækur hans hafa verið þýddar á íslensku, hefur
Hjörtur Pálsson verið þar stórvirkastur, t.d. Töframaðurínn frá Lúblín
(1979), Sjosja (1984) og Vegabréf til Palestínu (1993). Isaac Bashevis
Singer lést 1991.
Georg Trottmann (Leiðsögumaðurinn bls. 45) fæddist árið 1920 í
Turbenthal nálægt Zúrich. Hann stundaði nám við háskólann í Zúrich
og nam þýska tungu og bókmenntir, sögu og heimspeki. Eftir heims-
styrjöldina síðari var hann kjörinn fulltrúi Sviss í æskulýðsstarfi
Evrópuríkja (European Youth Campaign), sem hafði aðalstöðvar í París.
Síðar gerðist hann þýskukennari við tækniskólann í Zúrich og jafnframt
fréttaritari við dómstólana þar í borg. Fyrsta bók hans, Postkutsche ohne
102
á JSapáiá - TÍMAKIT ÞÝÐENDA NR. 5 / 2000