Sagnir - 01.06.2016, Blaðsíða 292

Endalausar útistöður
✓
Bókadómur: Utistöður eftir
Margréti Tryggvadóttur
Markús Þ. Þórhallsson
Margrét Tryggvadóttir bókmenntafræðingur ákvað að láta til sín heyra í
mótmælunum á Austurvelli í kjölfar bankahrunsins 2008. Þessi hægláta,
en ákveðna kona úr Kópavogi stóð skyndilega frammi fyrir mestu áskorun
h'fs síns þegar hún var kjörin á þing vorið 2009. I bók sinni Útistöóur lýsir hún lævi
blöndnu andrúmslofti innan Borgarahreyfingarinnar og Alþingis; átökunum um
Icesave, umsókn um inngöngu Islands í ESB, nýrri stjórnarskrá og fleiru sem setti
mark sitt á einhverja mestu pólítísku umbrotatíma á lýðveldistímanum.
„Lítil hreyfing, lítil Hreyfing.
Lítil vongóð þjóðarhreyfing; liggur skotin.“1
Sá sem hér ritar fylltist miklum áhuga þegar fréttist að Margrét Tryggvadóttir
væri að skrifa bók um setu sína á þingi kjörtímabilið 2009 til 2013. Þrátt fyrir að
einstaka hjáróma bloggari teldi að héryrði á ferðinni frægðarsaga stjórnmálamanns,
einhvers konar réttlætingarbók í kjölfar darraðadans átakamikillar þingsetu er óhætt
að fullyrða að sú sé ekki raunin.
Margrét Tryggvadóttir var óvænt kosin til setu á löggjafarþingi Islendinga vorið
2009. Um nokkra hríð hafði sjálfsmynd samfélagsins verið útþanin af fullvissu um
að það væri langbest og auðugast í öllum heimi en skyndilega skall á angist vegna
framtíðar í örbirgð og aumingjaskap. Efnahagshrunið haustið 2008 varð til þess að
Margrét, líkt og fleiri, fann að hún gæti ekki lengur látið sem ekkert væri og látið
atvinnustjórnmálamönnum eftir að leysa nánast óvinnandi verkið sem við blasti.
Hún tók að venja komur sínar á Austurvöll þar sem búsáhöld voru lamin sundur
og saman — hún vildi gera hvað hún gæti til að koma hlutunum í lag á Islandi að
nýju (bls. 13).
I Utistöðum rekur Margrét tæpitungulaust — á yfir 500 síðum — atburðarás áranna
frá hruni fram til nútímans. Bókin kom út í október 2014; útgáfan hafði verið
fjármögnuð með forsölu með fulltingi Karolina fund sem margir einyrkjar nýta sér
um þessar mundir í sköpun sinni. Bókin er margslungin og tekur á fjölda atriða og
atvika sem sett hafa mark sitt á þjóðfélagsumræðuna á liðnum árum. Bjartsýnin,
baráttuandinn og bláeygðin við stofnun Samstöðu og Borgarahreyfingarinnar
1 Upphafslínur ljóðs Bjarka Karlssonar sem greinilega er hans útfærsla Slysaskots í Palestínu
Kristjáns frá Djúpalæk birtist í Útistöðum, bls. 517-518.
292