Skagfirðingabók - 01.01.2011, Qupperneq 51

51
ANDRÉS BJÖRNSSON ÚTVARPSSTJÓRI
Urðu það vonbrigði honum sjálfum
og vinum hans, svo og öðrum áhuga-
mönnum um íslenska bókmenntasögu,
að honum skyldi ekki auðnast að
gang a frá þeim rannsókn um á einu
höfuðskáldi nítjándu aldar sem hon-
um höfðu lengi verið svo hugfólgnar.
X
Andrés Björnsson baðst lausnar frá
embætti útvarpsstjóra haustið 1984
og lét af því þá um áramótin. Eftir það
vann hann við handritalestur á vegum
Bókaútgáfu Menningarsjóðs og fylgd-
ist vel með gangi mála í þjóðfélaginu.
Ekki síst hafði hann áhyggjur af sinni
gömlu stofnun, Ríkisútvarpinu, enda
bar hann hag þess jafnan fyrir brjósti.
Nú blésu um það naprari vindar en
löngum fyrr. Einkaréttur Ríkisút-
varps ins til útvarps var tekinn af því
með lögum skömmu eftir að Andrés
lét af störfum, 1985, en það gerbreytti
vitan lega stöðu þess. Gagnvart þeirri
ákvörðun var hann mjög tortrygginn
eins og fram kemur í síðustu ára-
mótaræðu hans 1984.
Þær raddir gerðust sífellt háværari á
næstu árum að ríkið ætti ekki að „vas-
ast í“ rekstri fjölmiðla né öðrum sam-
keppnisrekstri og raunar að draga úr
afskiptum sín um sem víðast. Þannig
var Bókaútgáfa Menningarsjóðs,
stofn un sem Andrés starfaði við, lögð
niður 1991. Síðasti framkvæmdastjóri
útgáfunnar, Einar Laxness, minntist á
það starf í eftir mælagrein, sagðist hafa
fagnað því að eiga þess kost að leita til
Andrésar um ráð og dáð að því er út-
gáfustörf varðaði. „Það var gott að vita
af liðsinni hans og nærveru hjá Bóka-
Andrés Björnsson flytur kveðjuávarp til starfsmanna Ríkisútvarpsins 31. desember 1984.