Skagfirðingabók - 01.01.2011, Síða 62

SKAGFIRÐINGABÓK
sæll veiðimaður og stundaði fiskveiðar
í Winnipegvatni, var hann því lang­
tímum saman fjarri heimilinu. Björn
var alla tíð ógiftur og barnlaus. Nokkr­
um árum síðar seldi Dýrunn jörðina
Magnúsi syni sínum sem þá var kvænt­
ur Ástríði Einarsdóttur og tóku þau
hjón við jörðinni og bjuggu þar rausn­
ar búi til æviloka. Þau hjón eignuðust
10 mannvænleg börn og komust þau
öll til fullorðinsára nema eitt sem lést
í frumbernsku. Öll börn þeirra stofn­
uðu fjölskyldur og er mikill ættbogi
frá þeim kominn. Magnús var glæsi­
menni á velli, tók mikinn þátt í félags­
málum, var m.a. einn af stofnend um
lestrarfélags, var virkur í kirkju starfi
og söngmaður góður. Eftir að Dýrunn
hafði selt jörðina keypti hún tvær
ekrur lands rétt utan við þorpið Ár­
borg og lét byggja þar rúmgott hús
sem hún flutt i í um 1921 ásamt börn­
um sínum, þeim Árna Helga og Hall­
dóru, og átti Dýrunn þar heima lengst
af eftir það. Árni Helgi kvæntist síðar
Sigríði Finnson og stofnuðu þau
heimil i í Árborg. Hann starfaði við
bók hald um árabil, en síðar settu þau
hjón á stofn veitingastofu, sem þau
starfræktu með myndarskap í fjölda­
mörg ár. Árni og Sigríður eignuðust
fimm mannvænleg börn sem öll juku
kyn sitt. Halldóra dóttir Dýrunnar
átti lengst af heimili með móður sinn i,
og annaðist hana síðustu ár hennar.
Halldóra giftist ekki en eignaðist eina
dóttur, Jónínu að nafni, sem ólst upp
hjá þeim mæðgum. Hún giftist en
skildi við mann sinn eftir stutta sam­
búð. Jónína var mjög listræn, fékkst
við málaralist og orti ljóð. Hún lést
langt um aldur fram, rúmlega fertug.
Guðrún, elsta barn Gísla og Dýrunn­
ar sem fór með þeim fimm ára frá Ís­
landi, ólst upp á Mikley og var því um
tvítugt þegar fjölskyldan flutti þaðan.
Hún giftist og var hennar maður Hall i
Björnsson og reistu þau bú í Riverton.
Steinunn, dóttir Dýrunnar, sem varð
eftir hjá móðurforeldrum í Skagafirði,
fór til Vesturheims árið 1900 þegar
hún var 18 ára. Þá voru Steinn og
Helg a látin fyrir nokkrum árum og
mun hún hafa erft einhverja fjármuni
eftir þau sem dugðu fyrir fargjaldinu
Árni, fæddur 27. september 1897, sonur
Dýrunnar og Gísla, ásamt konu sinni
Sigríði Finnson og dótturinni Þórunni. Í
fyrri heimsstyrjöldinni var Árni kvaddur
í kanadíska herinn og sendur til Eng-
lands. Eftir heimkomuna tók hann að sér
bókhaldsstörf hjá ýmsum fyrirtækjum,
setti einnig á fót veitingahús í Árborg.
62