Skagfirðingabók - 01.01.2011, Qupperneq 78

SKAGFIRÐINGABÓK
arpoka. Tvær boga skemmur voru
settar upp árin 1966 og 1967. Allt
efni í þessar skemmur þurfti að ferja
aust ur yfir, járnboga, klæðn ingu,
timb ur, sem ent og steypujárn. Aðeins
steypumölinni, sem fór í grunn veggi
bragganna, var ekið yfir á ís vet urinn
áður.
Farmal dráttarvél kom hér um miðj­
an 5. áratuginn. Koma þurfti vélinni
yfir kvíslina og yfir á eyjuna ef hún
átti að koma að fullu gagni. Hér var til
nokkuð stór prammi og var ákveðið að
reyna að ferja vélina á honum. Sveinn
bróðir minn sá um þann útbúnað all­
an. Festar voru tómar trétunnur, tvær
hvorum megin ferjunnar, svo flotkraft­
ur yrði meiri. Settir voru sterkir
plank ar þvert yfir ferjuna og út á
tunn urnar, ofan á þá lengri plankar,
frá gafli og nokkuð fram á ferjuna, og
vélinni síðan ekið eftir þeim inn á
prammann. Að sjálfsögðu var reynt að
sæta kyrru veðri, ekki þótti ráð legt að
ferja ef öldugangur var einhver. Síðar
var smíðuð stór flatbotna ferja, vél­
arnar fluttar yfir á henni, svo og féð,
eink um hin síðari ár.
Ég man að einhverju sinni þurfti að
koma vél yfir Austurkvíslina, yfir á
eyj una, en engin ferja var tiltæk. Var
þá það ráð tekið að aka vélinni yfir.
Farnar voru nokkrar ferðir á hestum,
fram og til baka yfir kvíslina, sand­
bleytan riðin úr sem kallað var, botn­
inn troðinn og þjappað ur og vélinni
síðan ekið yfir. Svifferja2 kom hér laust
fyrir 1930. Hún var höfð á Suðurkvísl­
inni og var í notkun fram um eða fram
yfir 1940. Ferjan tók um 40 fjár eða
8–10 hesta.
Allar aðstæður gjörbreyttust hér, er
brúin kom á Austurkvísl. Hún var sett
upp árin 1972 og 1973. Sr. Gunnar
Gísl ason í Glaumbæ sat þá á Alþingi.
Hann mun hafa þekkt eitthvað til
aðstæðna hér og gekkst fyrir því að
við fengum gamla brú sem verið hafði
á Djúpadalsá í Blönduhlíð. Sá Gísli
Gísl ason á Mið­Grund um allar teikn­
ingar og annað varðandi uppsetningu
brúarinnar.
Fyrsta dráttarvélin
í Eyhildarholti.
Farmall A,
árgerð 1946.
Ljósm.: Hjalti Pálsson.
2 Hún kom af Akrahyl eftir að brúin var byggð á Grundarstokk 1927. Svifferja eða dragferja er
bátur sem dreginn er yfir á strengjum.
78