Skagfirðingabók - 01.01.2011, Page 120

SKAGFIRÐINGABÓK
tvær bifreiðar, og hjá Árna lærði hann
að aka bíl. Fyrsta starf pabba við bif­
reiða akstur var að hann keyrði 14
manna fólksflutningabíl fyrir Harald
Júlíusson kaupmann á Sauðárkróki en
það var ekki fastlaunað starf og þurfti
hann því að sinna annarri vinnu sem
var stopul í þá daga. Árið 1940 réðst
hann til B.S.A. á Akureyri, til Krist­
jáns „bílakóngs” sem rak stöðina. Var
hann í áætlunarferðum milli Akur­
eyrar og Reykjavíkur og fékk hann þar
með fasta vinnu sem var vel launuð.
Hann var í þessari vinnu til ársins
1947, fyrst hjá B.S.A. og síðan tók
póstþjónustan við þessum ferðum.
Síðustu árin sem atvinnubílstjóri var
hann hjá Olíuverslun Íslands, eða í 18
ár. Upp úr miðjum aldri fór hann að
finna til hjartabilunar og hætt i þá
akstr i árið 1964. Eftir það vann hann
um skamman tíma á skrifstofu bíla­
verkstæðis Kaupfélags Skagfirðinga.
Pabbi var vel greindur eins og fyrr
sagði og hafði frásagnarhæfi leika
mikl u meiri en í meðallagi. Hafði
hann margt að segja og kryddaði það
gjarnan á sinn hátt. Þau mamm a og
pabbi slitu samvistum upp úr 1950
og bjó hann síðustu ár ævinnar með
Auðbjörgu Gunnlaugsdóttur ættaðri
frá Hvammstanga. Pabbi var vel
meðal maður á hæð, þrek inn og bar sig
vel. Hann var fríður og sviphreinn,
dökkhærður og grá eyg u r.
Móðir mín
Móðir mín Sigrún Fannland var fædd
29. maí 1908 á Ingveldarstöðum á
Reykjaströnd, dáin 14. mars 2000.
Móðir hennar var Anna Guðrún
Sveins dóttir, fædd 16. júní 1865, dáin
15. júní 1944. Anna feðraði ekki Sig­
rún u en allir sem til þekktu töldu full­
víst að hún væri dóttir Hálfdanar
Kristjánssonar formanns á Sauðár­
krók i, en hann var kunnur hagyrðing­
ur á sinni tíð. Mamma var alin upp hjá
vandalausum, var fóstruð af Guð­
mund i Sigurðssyni og Ingibjörgu
Björns dóttur á Innstalandi á Reykja­
strönd. Mamma bar alla tíð mikla
hlýju til Guðmundar fóstra síns eins
Aðalgata um
1940. Mannfjöldi
saman kominn við
hús Þor valdar
Guðm undssonar.
Nafir í baksýn,
ógrónar með öllu;
Kirkjustígur liggur
þar upp.
120