Skagfirðingabók - 01.01.2011, Page 167

ÆSKUMINNINGAR FRÁ SAUÐÁRKRÓKI
um við að gifta okkur og að sú athöfn
færi fram í Sauðárkrókskirkju 17. nóv­
ember 1956. Tengdaforeldrar mínir
komu til að vera við athöfnina og
einn ig kom bróðir Ingu, Arnar, og
kona hans Helena Guðmundsdóttir
(Baddý). Ég fór til Ásgríms Sveins­
sonar klæðskera til þess að láta hann
sauma á mig svört föt en Inga fékk
lánaðan kjól hjá Ástu systur minni.
Við buðum talsvert mörgum í brúð­
kaupsveisluna. Jón Þ. Björnsson fyrr­
verandi skólastjóri, meðhjálpari í
kirkjunni, kom fyrir fána góðtemplara­
stúkunnar I.O.G.T. inni í kórnum og
Eyþór Stefánsson tónskáld spilaði á
orgelið. Sr. Helgi Konráðsson gaf
okk ur saman. Þetta var hátíðleg stund.
Á eftir var haldin vegleg veisla heima
hjá okkur og komu í veisluna 35 til 40
manns. Mjög var glatt í veislunni og
talsvert sungið þó ekki væri haft vín
um hönd. Þó man ég að Haukur bróð­
ir, Hannes Pétursson skáld og Kári
Jónsson voru eitthvað að pukra með
vín utandyra. Þarna voru í veisl unni
Eyþór Stefánsson og nokkrir fé lagar úr
kirkjukórnum sem ég starfaði í. Stóð
þessi gleðskapur fram yfir miðnætti.
Ekið á okkur
Eftir að gestirnir voru farnir gengum
við út að viðra okkur, ég og tengda­
faðir minn. Það var dansleikur í Bif­
röst, talsvert af fólki þar og mikil ölv­
un í bænum. Við litum aðeins inn í
Bifröst en stönsuðum þar stutt. En
Arnar og Helena urðu eftir á ballinu.
Frá samkomuhúsinu göngum við út
Aðalgötuna og þegar við erum komnir
út að Gránu, verslunarhúsi K.S., kem­
ur jeppabifreið á mikilli ferð sunnan
götuna. Talsverð hálka var á veginum
og skiptir það engum togum að bíll­
inn ekur upp á gangstéttina og á okk­
ur. Það vildi okkur til lífs að þar sem
b íllinn lenti á okkur var hurð til að
láta inn vörur. Hurðin var úr timbri
og gaf eftir. Óli Bang lyfsali var úti og
kom hlaupandi að, snaraðist inn í bíl­
inn og tók lyklana úr honum. Bíl­
stjórinn, maður utan af Reykjaströnd,
var ölvaður og með tvær stelpur í bíln­
um. Við slös uðumst talsvert og lá
tengda faðir minn rúmfastur fram yfir
áramót. Ég var frá vinnu í viku.
Farið var með okkur báða suður á
spítala og vorum við þar í einn og
hálf a n tíma. Fólkinu brá náttúrlega
mjög illa þegar við komum heim
Jóhanna Jónsdóttir, Jón Þ. Björnsson
skólastjóri og Þorbjörg Jónsdóttir.
167