Skagfirðingabók - 01.01.2011, Síða 169

ÆSKUMINNINGAR FRÁ SAUÐÁRKRÓKI
uppi og þess vegna vildi hann hafa
æfing arnar þar. Oft var mikill galsi í
mannskapnum og þegar Eyþóri fannst
ganga úr hófi fram sagði hann gjarnan
byrstur: „Alvöru í listina!“
Ávallt var haldinn samsöngur í
kirkjunni í Sæluviku. Þá fóru allir í
sparifötin, konurnar í síða kjóla og
karlarnir í dökk föt með þverslaufu.
Þegar kórinn var búinn að stilla sér
upp og kirkjugestir mættir, og yfir­
leitt var full kirkja, gekk kórstjórinn
inn í kjólfötum með taktsprotann í
hægri hendi sem hann hélt fyrir aftan
bak. Þegar hann var kominn að kórn­
um sneri hann sér við og hneigði sig
djúpt. Undirleikari var frú Sigríður
Auðuns. Síðan hófst söngurinn. Á
þess um samkomum söng kórinn aðal­
lega veraldleg lög. Ávallt voru ein­
söngvarar með kórnum, m.a. Svavar
Þorvaldsson, Sigurður P. Jónsson,
Dóra Magnúsdóttir og Bára Jónsdóttir
í Málmey. Aldrei var klappað í kirkj­
unni en vild u kirkjugestir fá lög
endur tekin þá hrópaði einhver kirkju­
gestanna: „Kapó!“ Sneri söngstjórinn
sér þá að þeim sem hrópaði, hneigði
sig, og síðan var lagið endurtekið.
Kirkju kórinn var mjög góður á þess­
um tíma og voru tekin fyrir mörg
vanda söm verk. Farið var í söngferða­
lög, t.d í Mývatnssveit og Borgarnes.
Feng um við mjög góða aðsókn á þessa
tónleika. Einnig sungum við á Hóla­
hátíðum og eitt sinn vorum við boðin
þar í mikla veislu hjá þeim prófasts­
hjónum sr. Birni Björnssyni og Emmu
Hansen, og skólastjórahjónunum,
Krist jáni Karlssyni og Sigrúnu Ing­
ólfs dóttur. Það var mjög skemmtileg
stund og sjaldan hef ég séð Skaga­
fjörðinn fegurr i en þetta kvöld þegar
við ókum frá Hólum til Sauðárkróks.
Það var „nóttlaus voraldarveröld, þar
sem víðsýnið skín“ eins og Klettafjalla­
skáldið og Skagfirðingurinn Stephan
G. Stephansson orðar svo meistaralega
í kvæðinu „Þó þú langförull legðir.“
Einnig fengum við heimsóknir, bæði
frá kirkjukór Húsavíkur, en stjórnand i
hans var sr. Friðrik A. Friðriksson, og
kirkjukór Borgarness, en þar var
stjórn andi Halldór Sigurðsson. Hann
var bróðir Péturs Sigurðssonar tón­
skálds. Í báðum þessum heimsóknum
gistu kórfélagar hjá okkur.
Þessi ár voru afar skemmtileg. Eyþór
var náttúrlega frábær stjórnandi og
listamaður og mikill fagurkeri.
Haldn a r voru kvöldvökur einu sinni á
vetri. Voru þær heima hjá Eyþóri.
Hann útbjó sérstaka dagskrá fyrir
þess ar kvöldvökur. Ávallt var vel
veitt. Fóru þar ýmsir á kostum. Sér­
staklega nefni ég Eyþór, Sigurð P.
Jónsson, Guðjón bakara og fleiri. Ég
var í kórnum þar til ég flutti til Akra­
ness 1958.
Æskuminningar úr sveitinni
Þegar ég var átta ára var ég sendur í
sveit með Ágústu Jónsdóttur móður­
systur minni að Selnesi á Skaga. Við
fórum í „boddý­bíl“ frá Sauðárkróki
að Skefilsstöðum, en þar fengum við
miklar og góðar veitingar. Þaðan
fórum við ríðandi að Selnesi. Ég var
ekki með neitt með mér nema fötin
sem ég stóð í. Á bænum bjuggu öldr­
uð hjón, Gunnar Eggertsson og
Ástríður Jónsdóttir. Tengdasonur
þeirr a var sr. Jón Skagan prestur á
Bergþórshvoli, síðar æviskrárritari í
Reykjavík. Sæmileg húsakynni voru á
169