Skagfirðingabók - 01.01.2014, Síða 69

AF ÞÓRUNNI JÓNSDÓTTUR OG HRAFNI BRANDSSYNI
69
á milli og allt að Ólafsfjarðarmúla. Yngri
heimildir telja dánarár Hrafns 1529
og þeim ber saman um að Hrafn hafi
í veislu í Glaumbæ í Skagafirði lent í
útistöðum við einn af þjónum sínum,
Filippus að nafni, skorað á hann í einvígi
og hlotið í þeirri viðureign banasár.
Hrafn hafi komist í Hof og látist þar.25
Skarðsárannáll styður þessa frásögn
þar sem Björn á Skarðsá hefur sínar
heimildir frá Marín, barnsmóður sjálfs
banamannsins. Marín var heimilisföst í
Glaumbæ á árum Teits og Hrafns en til
heimilis á Hrauni á Skaga, nær tíræð að
aldri, þegar Björn náði að yfirheyra hana
árið 1589.26 Hrafn var „heill að samvisku
en nokkuð krankur á líkama“ þegar hann
gerði erfðaskrá sína.27 Hann bað um
fyrirgefningu þeirra sem hann hefði á
móti gert og fól sál sína guði í vald, hans
blessuðu móður Maríu, sankti Pétri og
öllum helgum. Hrafn vildi hvíla á Hólum
og gaf rausnarlega fyrir legstað sínum,
hálfa jörð og hestinn sem bar hann til
grafar. Margra var minnst í erfðaskránni,
meðal annars tengdaforeldranna. Þórunn
fékk síðan allt sem Hrafn mátti henni
samkvæmt lögum gefa og þar með talda
jörðina Krossavík í Vopnafirði.
Virðingargerð á fé Hrafns Brandssonar
Glaumbær í Skagafirði. Að sjálfsögðu er lítið vitað um húsaskipan í Glaumbæ á fyrri hluta 16.
aldar en þessi mynd var tekin um miðja 20. öld og getur sýnt bæinn á óræðum tíma því að ýmis
nývirki hafa verið fjarlægð úr sjónsviðinu.
Eigandi myndar: Byggðasafnið í Glaumbæ.
25 Biskupa sögur II, 1878, bls. 402 og Bogi Benediktsson, 1881–1884, bls. 322.
26 Björn Jónsson, 1922–1927, bls. 90.
27 ÍF IX, bls. 472–473.