Skagfirðingabók - 01.01.2014, Side 197

TEJO STRANDAR VIÐ ALMENNINGSNEF
197
mjög lágu verði. Uppboðsnúmerin urðu
samtals 1.175 en upphæðin sem fyrir
þau fékkst varð aðeins 1.477,70. Mikið
af þessu var fánýtt spýtnarusl sem seldist
einungis á nokkra tugi aura hvert númer.
Sagnir úr sveitinni
GUÐMUNDUR SÆMUNDSSON frá Neðra-
Haganesi (1934–2007) hafði sagnir sam-
tíðarmanna úr Fljótum og sagði skrá-
setjara frá þessu strandi og eftirmálum
þess:
Tejo var að koma frá Ísafirði, búinn
að lesta þar saltfisk og var á leið til
Akureyrar að taka meiri fisk. Skipið
var því hálffullt af saltfiski. Gerðir
voru leiðangrar til að ná upp fiskinum
úr lestinni. Menn gogguðu hann upp
með ífærum og fóru svo að lengja
sköftin eftir því sem lækkaði í lestinni
og sjórinn steig hærra. Svo fóru menn
að reyna að kafa eftir fiskinum. Járnið
og eirinn var líka hirtur þarna langan
tíma eftir strandið. Þegar uppboð var
haldið geisaði barnaveiki í Fljótunum
og Fljótamenn létu þær fréttir berast
til blaðanna og vildu sumir leggja
það svo út að þeir hefðu viljað tak-
marka aðsókn aðkomumanna svo að
heimamenn sætu frekar að uppboðinu.
Sumt af fiskinum var engin söluvara
og fór milli heimilanna í Fljótum og
var étinn þar, en þótti ekki góður
matur eftir að vera búinn að liggja svo
og svo lengi í sjónum.
Einn hlutur var til heima í Neðra-
Haganesi úr Tejo. Það var mikill
koparlampi, líklega 15–16 línu lampi,
sem faðir minn smíðaði utan um
og gerði að hengilampa og hafði í
baðstofunni. Þessi lampi var síðan til á
Ólafsfirði en nú veit ég ekki um hann
meir.
Ég vissi um hurð sem Þorsteinn í Vík
Buffet með framhlið klæddri mahónóviði.
Kristján Runólfsson eignaðist þennan skáp
frá Sigurði Árna Jónssyni á Húsabakka, sem
hafði fengið hann úr búi Jóns Magnússonar
í Minna-Holti í Fljótum. Fylgdi sú sögn
að skápurinn væri úr Tejo, Jón hefði keypt
hann á uppboðinu og buffetið verið notað sem
sjókortageymsla skipstjóra. Þetta húsgagn er
hins vegar ekki að finna í uppboðsskránni en
það afsannar þó ekki með öllu að hluturinn sé
upprunninn úr Tejo.
Ljósm.: Hjalti Pálsson.