Skagfirðingabók - 01.01.2014, Qupperneq 187

TEJO STRANDAR VIÐ ALMENNINGSNEF
187
keðjum, trossum, yfirbreiðslum og segl-
um.
Þann 13. nóvember náðust 40 kassar
af saltaðri lúðu og 35 skippund af lausum
fiski frá Thomsen. Þennan dag unnu 82
menn með 15 báta.
Dómarinn ákvað nú að tilnefna þrjá
valinkunna menn, Einar B. Guðmunds-
son dannebrogsmann á Hraunum,
Guðmund Davíðsson hreppstjóra á
Hraunum og Pál Árnason hreppstjóra á
Ystamói til að meta ástand skipsins og
hvort þeir teldu möguleika á að bjarga
því af strandstað og gera við það.
Skipstjórinn lýsti þá yfir að hann hefði
engan samning gert við björgunarmenn
en lýsti þeirri skoðun sinni að þeir ættu
að fá daglaun. En eftir að ekki væri annað
eftir í skipinu en fiskur sem lægi undir
vatni myndu daglaun ekki borga sig og
ef yfirleitt ætti að reyna að bjarga meiru
yrði það að vera upp á hlut. Sýslumaður
ráðfærði sig þá við helstu málsmetandi
menn og ákvað síðan að daglaun skyldu
vera kr. 3,30 en tvöföld sú upphæð fyrir
hvern bát.
Sunnudaginn 19. nóvember setti sýslu-
maður aftur aukarétt í Haganesi. Þar
voru leidd til vitnis Jórunn Stefánsdóttir
og Aðalbjörn Björnsson, bæði vinnuhjú
í Haganesi sem kváðust hafa verið á
Barði aðfaranótt þess 7. nóvember.
Framburður þeirra var mjög samhljóða
og var m.a. bókað eftir Aðalbirni að
hann hefði klukkan að ganga fjögur um
nóttina séð ljós úti á sjó sem hefði borið
yfir Haganesborgina en hafi svo ekki
veitt því frekari eftirtekt. Hann lét þess
getið að þann 6. hafi verið logndrífa um
kvöldið en um miðnættið fór að birta og
var gott veður og heiðríkja um nóttina. Í
dögun hafi gert hríðarél.9
Greinargerð Guðmundar
Davíðssonar á Hraunum
Í BRÉFABÓK Holtshrepps er að finna
ítarlegt bréf sem Guðmundur hrepp-
stjóri skrifaði hinn 16. desember til
sýslumannsins í Skagafjarðarsýslu. Þar
gerir hann grein fyrir aðgerðum og fram-
vindu þeirra. Bréfið fjallar um björgun
úr skipinu, flutning skipbrotsmannanna,
afdrif skipsins o.fl. Það gefur ljósasta
hugmynd um þá erfiðleika sem við
var að stríða. En bréfið hljóðar svo í
megindráttum:
Guðmundur Davíðsson á Hraunum
á ungum aldri.
Eigandi myndar: HSk.
9 Dómsmálabók Skagafjarðarsýslu 12., 13. og 19. nóvember 1899.