Skagfirðingabók - 01.01.2014, Qupperneq 97

YFIR ATLANTSHAFIÐ Í SKIPALEST
97
Invasion!“ (innrás) og Magnús Jensson
loftskeytamaður gaf út fréttablað um gang
stríðsins. Nokkrum dögum seinna komum
við til Halifax og var strax byrjað að lesta
skipið. Þá rann þar upp merkisdagurinn
17. júní 1944, þegar langvinnu sambandi
við Danmörk var slitið og lýðveldi stofnað
á Íslandi. Við fréttum að vísu ekkert að
heiman, en minntumst dagsins með því
að skreyta skipið með flöggum og halda
veislu um borð.
Ekki var lengi staðið við í Halifax í
þetta skipti og brátt haldið heim. Gerðist
fátt tíðinda í þeirri ferð, nema hvað við
lentum í þoku úti fyrir Nýfundnalandi og
þurfti þá að sigla með gát, því að ísjakar
voru þar á sveimi um allan sjó. Það var
einmitt þarna sem Titanic fórst forðum
daga, sem frægt er orðið. Meðal þess
sem fyrir augu bar á leiðinni yfir hafið
voru stóru farþegaskipin Queen Mary og
Queen Elizabeth sem voru þá að flytja
hermenn í stríðum straumum austur yfir
hafið til að berjast. Þessi miklu skip voru
aldrei í skipalest, enda mjög hraðskreið,
en þeim fylgdu þó alltaf nokkur herskip.
Við náðum heim eftir áfallalausa siglingu
á tilsettum tíma.
Síðasta sjóferðin að sinni
VIÐ STÓÐUM stutt við heima og eftir viku
vorum við aftur komnir á fulla ferð til
Skotlands. Siglingin vestur um haf gekk
síðan eins og best varð á kosið, en þegar
kom til Halifax, fengum við það staðfest
sem eitthvað hafði kvisast út áður, að
skipið ætti að fara í klössun sem mundi
taka langan tíma. Er skemmst frá því
að segja að þarna vorum við um kyrrt í
Bandarískar hersveitir ganga á land á Omaha ströndinni á D-degi 6. júní 1944.