Tímarit Máls og menningar - 01.06.2017, Side 2

2 TMM 2017 · 2
Frá ritstjóra
„Saga hvers og eins er einstök“, segir Soffía Bjarnadóttir í áhrifamikilli grein
sinni hér í heftinu þar sem hún deilir með lesendum sögu sonar síns, sem
er trans-einstaklingur og þeim hugrenningum sem vakna hjá móður sem
stendur álengdar og fylgist með því ferli sem á sér stað í kynleiðréttingu.
Við fáum að vita um uppáhaldsfuglinn hennar Sigurlínar Bjarneyjar,
eftirlætisorðið, uppvöxtinn og allar hennar skriftir í samtali þeirra Kristínar
Ómarsdóttur. Arnar Már Arngrímsson ritar beinskeitta grein um and-
varaleysi okkar gagnvart áhrifum nýrrar tækni á börn og unglinga; Davíð
Stefánsson vekur upp magnaða minningu í smásögu frá liðnum dögum
á Biskops Arnö þar sem Karl Öve Knausgaard kemur eftirminnilega við
sögu, Þórarinn Eldjárn skrifar um Sigurð Guðmundsson og Musu hans en
Oddný Eir birtir alls konar þýðingartilraunir og hugleiðingar kringum þær.
Fastir liðir eru á sínum stað, og vert að minna sérstaklega í því sambandi á
hugvekju Einars Más Jónssonar – ný ljóð góðskálda, greinar um klassískar
bókmenntir og umsagnir um nýjar og nýlegar bækur. Og er þá fátt eitt talið.
Guðmundur Andri Thorsson