Tímarit Máls og menningar - 01.06.2017, Síða 11

E n d a t a f l – H e i m k o m a : R e y n s l a a f e n d u r fæ ð i n g u
TMM 2017 · 2 11
Að þetta væri hluti af því að vera á rófi einhverfunnar. Ég reyndi því að
koma fram við þessa meintu þráhyggju eins og aðrar þráhyggjur – með því
að hafna henni hvorki né ýta undir hana. Leyfa henni að líða hjá. Vænta þess
að það vökni í púðrinu með tímanum. Þó að það sé ekki það sem maður
óskar í öðrum tilfellum. Þessi þráhyggja leið bara ekkert hjá. Hún var eitt-
hvað annað. Kynleiðrétting er langt og flókið ferli sem þarfnast þolinmæði
og kærleika. Nafnbreytingin er hluti af ferlinu og tók sömuleiðis langan tíma.
Skref fyrir skref. Fyrst í huga hans, síðan hugum okkar hinna, heimsins og
að lokum í kerfinu varð nafnbreytingin formleg í þjóðskrá á Alþjóðlegum
baráttudegi kvenna, 8. mars 2017. Opinber staðfesting á karlkyni á degi
kvenna. Það er stór varða á leið kyndilberans míns. Ég veit ekki hvernig
maður sleppir takinu af neinu, allra síst tilvistinni, ástinni. Ég opna lófa, leyfi
þeim að vísa upp.
Megi allir birtast í sinni sönnu veru, jafnt í líkama, tungumáli, hugsun og
allri ásjónu.
Besta fæðingarráð sem ég hef fengið er: Að opna lófana. Þannig leyfum við
öllu að fæðast sem vill fæðast – og endurfæðast
– og reyndar vitum við mjög fátt.
Reykjavík, milli vetrar og vors 2017