Tímarit Máls og menningar - 01.06.2017, Page 75

B e r s k j a l d a
TMM 2017 · 2 75
2
Fólk var svo vitlaust í gamla daga. Fólk vissi ekki hvað einelti var og stelpur
máttu ekki vera í smíðum og kallar kunnu ekki að elda og börn voru kannski
farin að vinna í fiski 12 ára gömul. Nú er allt hins vegar orðið svo ógeðslega
frábært. Allt byrjaði að vera ógeðslega frábært upp úr árinu 2000 þegar netið
fór í alvörunni að veiða eitthvað af viti, eins og milfs í alvöru upplausn og
þannig og síðan toppuðum við fyrir 10 árum þegar i-phoninn bjargaði okkur
og tengdi okkur öll.
Reyndar eru menn eitthvað að eyðileggja stemninguna með því að skera sig
og drepa sig og svona. En frábærar framfarir í lyfjum eru þvílíkt frábærar og
sem betur fer geta allir sem vilja verið á kvíða- og þunglyndislyfjum. Frábærar
framfarir hafa líka orðið í orðaforðanum, við erum komin með ný orð eins og
hrelliklám og hópnauðgun og cougar, lyfjanauðgun og slutshaming, walk of
shame og cameltoe. Listinn yfir allt hið rosalega frábæra sem gerst hefur frá
2000 er rosalega langur. Nú til dæmis raka menn á sér píkuna. Og svo ef kona
sé með rosalega ljóta píku þá eru til menn sem fara í háskóla í 15 ár til að læra
að skera út píkur og opna brjóst og setja í þau sílikon. Ef ekki væri fyrir klámið
sem fór að verða í rosalegum hd-gæðum hefðum við ekki hugmynd um öll þessi
ljótu brjóst og píkur og rassa og hár sem fólk var með og ekkert hægt að gera.
Í gamla daga var það víst þannig að meira að segja ljótt fólk stundaði kynlíf.
Sem betur fer er það hætt. Reyndar hefur sumt ljótt fólk, eða ugly bitches eins
og þær eru kallaðar verið að pósta myndum sem maður hefur óvart séð. Það
ætti að vera bannað.
3
Einu sinni var skáld sem hét Jónas Þorbjarnarson. Bækur hans eru ekki til í
bókabúðum, reyndar eru engar bókabúðir lengur á Akureyri. Ár hvert eru
bækur hans keyrðar yfir heiðar á bókamarkað og aftur til baka. Það er engin
brjóstmynd af honum við torgið. Ekki enn.
Jónas samdi meðal annars þetta ljóð:
BERSKJALDA
Að annast sig sem lífveru
er svipað umhirðu annarra véla:
reglur gilda –
notkunarreglur.
En fyrst maður er mikið til hugur
er voði alltaf vís
því hver sem þykkt og styrkur
höfuðbeina er –