Tímarit Máls og menningar - 01.06.2017, Page 91
F ó l k i ð í s k ó g i n u m
TMM 2017 · 2 91
Stúlkan í rúminu undir rósótta sængurverinu og uppspenntu regnhlífunum
nuddar höndunum utan um beinstífan getnaðarlim lögmanns á meðan hún
leikur með tungunni um kónginn. Stúlkan undir græna tjaldhimninum
opnar lærin, grefur hælana ofan í grasið og nuddar höndunum nautnalega
yfir breiðvaxið bak á síðhærðum skartgripaþjófi. Stúlkan inni á milli trjánna
á bakvið myntugræna málningarplastið nuddar höndunum í handklæði til
að ná af sér eftirlaunaþega með latt auga. Stúlkan á uppblásnu vindsænginni
í háa grasinu undir gulblómgaða trénu nuddar höndunum, eins og hún
hnoði deig, um spennta rassvöðva á morðingja.
Einhentur maður hreyfir sig hægt í skugganum á milli trjánna til að vekja
ekki ormana og grasið. Hann hendir rauðu smokkabréfi í svartan ruslapoka
sem dinglar niður úr trjágrein. Bréfið lendir í grasinu undir honum, þar sem
er meira rusl en í pokanum sjálfum. Það er gott að horfa á eftir einhenta
manninum hverfa á milli laufgaðra trjánna, hugsar stúlka sem horfir út um
plastgluggatjöld.
Grasið undir græna tjaldhimninum er blautt þeim megin sem tjaldið er rifið.
Stúlkan undir himninum blotnar á hægri hæl, læri, rasskinn og olnboga.
Hún blotnar líka á milli fótleggjanna en bara vegna þess að skartgripa-
þjófurinn svitnaði svo mikið.
Auga horfir út um gægjugat á plasttjaldi og sér mann á hraðferð í gegnum
skóginn. Það sem þetta auga sér ekki en hitt hefði getað séð, var að á eftir
honum kom annar maður sem var líka á hraðferð.
Lögreglan sá einungis eina hlið á sakamáli þegar hún handtók stúlkurnar
fjórar síðastliðinn sunnudag. Hún handtók enga viðskiptavini, engar mad-
dömur og enga töfralækna.