Tímarit Máls og menningar - 01.12.2016, Side 31

Í d a g e r f e n g i t í m i d ý r a n n a o g e n g i n n t í m i f y r i r l j ó ð
TMM 2016 · 4 31
staka hljóðfæri þoli ég illa, svo þykir mér vænt um mörg náttúruhljóð, raddir
og hlátur í fólki.
Þegar ég var ólétt þá heyrði ég raddir skýrar og fannst ég skilja mann-
gerðina á raddbeitingunni.
Hvaða hljóð þolirðu ekki?
Suð í raftækjum, svo þoli ég illa við inni í frystiklefa eða þegar bitið er í
ís. Hljóð í tannlæknabor er líka hörmulegt. Á seinni árum þykir mér breim í
köttum skemmtilegt en breim nísti mig áður inn að beini, eins og verið væri
að kvelja barn. Barnsgrát þoli ég verst, raftæki geta bara lagt sig miðað við
sáran barnsgrát ef manni finnst gráturinn bera vott um vanlíðan.
Hlustarðu á tónlist á meðan þú skrifar?
Já, mjög mikið, ég hlustaði á tímabili mest á sembal og verk eftir Bach og
Scarlatti. Mér finnst gott að skrifa með tónlist frá endurreisnartímanum en
líka við egypskan kvensöng. Tónlist skiptir mig miklu máli og ég hlusta á
hina svokölluðu klassík og hið svokallaða rokk og popp, þjóðlagatónlist og
raftónlist, tilraunatónlist og dægurtónlist. Ég get hlustað á sama lagið eða
verkið ansi oft ef þar er að finna element sem hjálpar mér. Ég hef undanfarið
reynt að skilgreina hvaða element það er hverju sinni en það mistekst alltaf.
Hver er uppáhaldstónlistin þín?
Ég get ekki svarað þeirri spurningu með vísun í eitt verk eða einn höfund,
einn hljómlistarmann eða konu. En ég minnist draums sem mig dreymdi á
meðgöngunni, þá var ég samferða Rachmaninoff einhverja leið og við áttum
svo skemmtilegt spjall. Ég man ekki um hvað. Og þess vegna nefni ég plötu
sem ég hlustaði mikið á í París en það er þriðji píanókonsertinn hans leikinn
af Mörthu Argerich. Ég hugsa að ég fari að vaxa upp úr þessum konsert.
Þú leikur á píanó og hefur mikinn áhuga á myndlist og hefur kynnt þér
flestar listgreinar meira en í hófi.
Ég lít á myndlist, tónlist og skáldskap sem samliggjandi svið, hvert eitt
nærir annað. Ég tek tarnir og kynni mér nýjustu strauma og stefnur og
fylgist með en fæ svo ógeð og þarf að hvíla mig í nokkur ár – listræn búlimía.
Með aldrinum er ég orðin ansi gagnrýnin og finnst stór hluti listaverka og
skrifa vera ófrumleg endurtekning og einkennast af þrá eftir athygli eða þrá
eftir frumleika frekar en þrá eftir sannleika.
***
Mig langar að spyrja þig um tímann: hvernig skynjarðu tímann?
Eitt sinn sagði við mig maður að það væri eins og ég væri á ofskynjunar-