Tímarit Máls og menningar - 01.12.2016, Page 33

Í d a g e r f e n g i t í m i d ý r a n n a o g e n g i n n t í m i f y r i r l j ó ð
TMM 2016 · 4 33
Hver er uppáhaldsmálsverður þinn?
Kvöldverður – langur kvöldverður.
Áttu þér uppáhaldssögupersónu?
Æj, þær eru margar – Anna Karenína – hún er vinkona mín. Svo er það
Odradek, er það ekki tvinnakeflið í sögu Kafka? Odradek býr með mér þótt
ég muni ekki alveg hver það er eða hvað það er. Og svo er það Anna Frank.
Áttu þér fyrirmynd?
Nei. Og já. Ýmsar en ég man ekki alveg hverjar, maður er grimmur við
fyrirmyndirnar, gleymir þeim. Ég minnist þó franska rithöfundarins George
Sand í þessu tilfelli. Hún bjó úti á landi og skrifaði á meðan vinir hennar
sömdu tónverk og sonur hennar bjó til brúðuleikhús og svo hittust allir úti í
lundi og fengu sér miðdegisverð.
Hefurðu græna fingur?
Ljósgræna – ég bið mömmu um að taka að sér blómin mín og lækna þau.
Hvað er það undarlegasta við sjálfa þig?
Hvað ég er að því er virðist blanda af ólíkum þáttum. Það er undarlegt
að uppgötva styrk innan í algerri örvæntingu og kom mér til dæmis svaka-
lega á óvart að ég skyldi geta tekið munnleg próf í franskri heimspeki um
árið. Ég var svo stressuð að ég hélt ég myndi leysast upp, bað tannlækni um
róandi lyf og vildi hætta við en svo var ég einhvern veginn á heimavelli þegar
til kom. Ég held ég hafi aldrei orðið jafn hissa því ég var eiginlega farin út
úr líkamanum. Ég er illa haldin af sviðsskrekk. Já, ég held að þetta sé það
undarlegasta við mig: ofsakvíði og svo örugg ró þegar á hólminn er komið.
Hvað er venjulegast við sjálfa þig?
Hvað ég er mikill nautnabelgur.
Hvaða dyggð er ofmetin?
Veit það ekki. Ætli það sé ekki dugnaðurinn.
En vanmetin dyggð?
Veit það ekki. Kannski dugnaðurinn.
Hvað líturðu á sem mestu eymd?
Sjálfsvorkunn. Eða æ, ég veit það ekki.
Hvað óttast þú mest?
Ástleysi.