Heilbrigðisskýrslur - 01.12.1960, Blaðsíða 92
1960
— 90
Þingeyrar. Langdrukkinn farmaðui,
47 ára gamall, var lagður hér i land,
mjög truflaður á sönsum. Tók með-
ferð vel og útskrifaðist eftir viku.
C. Ýmsir sjúkdómar.
1. Augnsjúkdómar.
Sjá skýrslur um augnlækningaferða-
lög, bls. 102—104.
2. Blóðsjúkdómar.
Flateyrar. Anaemia simplex ekki
óalgengur kvilli, einkum i konum.
Grenivíkur. Allmikið um anaemia
simplex, sem lagast við járn- og C-
vítamíngjöf. Eru konur og börn í meira
hluta.
Seyðisfj. Anaemia hypochromica:
2 konur. Á annarri var gerð resectio
ventriculi fyrir nokkrum árum. Þeg-
ar ég sá hana i fyrsta skipti, var
haemoglobin 9,5 g/100 ml. Yar einn
kollega í Reykjavík þá nýbúinn að
láta gefa henni eina blóðtransfusion,
og hefur þvi haemoglobin fyrir trans-
fusionina verið ca. 8,5 g/100 ml. Þessi
kollega hefur sennilega aldrei séð
sjúkling deyja úr homolog serum-
hepatitis eftir blóðtransfusion né lesið
neina þeirra mörgu greina, sem skrif-
aðar hafa verið til að benda á hættuna
af og fordæma, sem oftast ónauðsyn-
legar, blóðgjafir, þar sem aðeins er
gefin ein transfusion: Sjúklingur er
litlu eða engu betur staddur eftir eina
transfusion, annaðhvort þurfti hann
meira eða hann þurfti hennar alls
ekki við. Flestar vanfærar konur hafa
á seinna hluta meðgöngutimans hgb.
minna en 12 g/100 ml og þurfa að taka
járntöflur.
3. Efnaskipta- og innkirtlasjúk-
dómar.
Patreksfí. Myxoedema: Einn karl-
maður um sjötugt, eftir total thyreo-
idectomi.
Seyðisfí. Diabetes mellitus: Ung kona
notar insulin og hefur verið vel regul-
eruð, síðan ég kom í héraðið. 40 ára
karlmaður notar insulin. 62 ára karl-
maður notar tolbutamidum með góð-
um árangri. Hvergi á landinu hef ég
rekizt á eins margar konur með struma
eins og í þessu héraði, nefnilega 8, þar
af 2 með struma nodosa. Engin þeirra
hefur einkenni um óeðlilega starfsemi.
Hjá annarri þeirra með hnútana í gl.
thyr. var gerð partiel thyreoidectomi
á Landsspítalanum. Algengasti efna-
skiptasjúkdómurinn er offita.
Hellu. Myxoedema: 54 ára gamall
karlmaður kvartaði um mæði, kvef-
sækni og mjög sára anginoid verki
öðru hverju, kvaðst þreytast mjög fljótt
við hvers konar áreynslu, vera ákaf-
lega kulvis, svefnþungur og áberandi
gleyminn. Hafði nokkru áður verið á
spitala til rannsóknar, en þá mun
psychosis hafa skyggt á önnur atriði
sjúkdómsmyndarinnar og meðferð hag-
að samkvæmt þvi. Hann hafði að
læknisráði reynt um skeið hydergin
við kulvísinni, en fundizt hann þola
það illa (hömlur á adrenalinverkun-
um). Mæling á magasýrum hafði sýnt
„sýruleysi“, að hans sögn. Við skoðun
bar nokkuð á bradyphrasia. Hendur
voru jn'útnar og ekki laust við bjúg
á fótum. APS í þvagi -=-. Púls var jafn,
60/mín. Hb. mældist 11,7 g%, sökk
16 mm/klst., blþr. 105/80, og EKG
sýndi „low voltage“, T nánast isoelek-
triskt í standard-leiðslum. Vegna ein-
dregins gruns um myxoedema var
hann sendur í efnaskiptamælingu, er
sýndi -i-21%. Þvi fjölyrði ég um þetta
tilfelli, að mér finnst ástæða til að
vera sérstaklega á verði gagnvart
myxoedema samfara psychosis.
Thyreotoxicosis: 49 ára gömul kona,
sem hafði um skeið verið með anaemia
hypochromica (< 8 g%), resistent
gegn venjulegri meðferð, tók að kvarta
um svæsin hjartsláttarköst. Ágerðist
þetta svo, að ég sendi konuna til sér-
fræðirannsóknar. Mældust þá efna-
skipti 55%. Skánaði við propyl-
thiouracilum.
4. Gigtar- og bæklunarsjúkdómar.
Flateyrar. Ilsig allalgengt. Notað
hefur verið innlegg í skó, og hefur
það yfirleitt bætt mikið úr.