Ritið : tímarit Hugvísindastofnunar - 01.10.2021, Blaðsíða 50
STAFRæNT MÁLSAMBýLI ÍSLENSkU OG ENSkU
49
náskyldust íslensku, til dæmis færeysku, norrænu meginlandsmálunum og
ensku.54 Þar að auki hefur viðtengingarháttur látið undan síga hjá spænsku-
mælandi málhöfum í málsambýli við ensku í Bandaríkjunum.55
Síðasta mælingin á íslenskri málfræðifærni 3–12 ára barna sem hér er til
umræðu er meðallengd segða (e. mean length of utterance) í íslensku málsýn-
unum, en rannsóknir hafa sýnt að meðallengd segða helst í hendur við mál-
þroska barna og þá sérstaklega færni þeirra í setningagerð og beygingum.56
Tölfræðilíkanið sem reyndist best til þess fallið að spá fyrir um meðallengd
segða í íslensku málsýnunum var það sem innihélt heildarmagn ílags og mál-
notkunar eftir tungumálum í mínútum (leiðrétt R2: 0,27 - p < 0,001 og N =
93). Þar komu fram jákvæð tengsl við óvirkt íslenskt ílag (hlustun, áhorf og
lestur), þar sem meðallengd íslenskra segða lengdist um 0,5–0,9 fyrir hverja
klukkustund af íslensku ílagi (95% öryggisbil), og einnig komu fram nei-
kvæð tengsl við óvirkt enskt ílag, þar sem meðallengd íslenskra segða styttist
um 0,3–0,8 fyrir hverja klukkustund af óvirku ensku ílagi, en það samband
má sjá á mynd 12.
54 Guðrún Þórðardóttir, „Hvert stefnir viðtengingarháttur?“, Tilbrigði í íslenskri setn-
ingagerð III, ritstjórar Höskuldur Þráinsson, Ásgrímur Angantýsson og Einar Freyr
Sigurðsson, Reykjavík: Málvísindastofnun Háskóla Íslands, 2015, bls. 125–137, hér
bls. 136.
55 Sjá yfirlit hjá Silvina A. Montrul, Incomplete acquisition in bilingualism, bls. 116–117
og 141–142.
56 Sjá til dæmis umfjöllun hjá Mabel L. Rice, Sean M. Redmond og Lesa Hoffman,
„Mean Length of Utterance in Children with Specific Language Impairment and in
younger control children shows concurrent validity and stable and parallel growth
trajectories“, JSLHR Journal of Speech, Language and Hearing Research 49: 4/2006,
bls. 793–808, hér bls. 793.