Ritið : tímarit Hugvísindastofnunar - 01.10.2021, Blaðsíða 157
FINNuR FRIðRIKSSON OG ÁSGRÍmuR ANGANTýSSON
156
eftirtektarverð í gögnunum. Tekið var eitt viðtal í hvorum skóla, við sex
þátttakendur í senn sem allir höfðu lagt til efni á fyrri stigum gagnasöfnun-
arinnar. Kynjadreifing í hvorum hóp um sig var jöfn. Í þessum viðtölum var
ekki spurt sérstaklega um málvíxl en vikið nokkuð að almennri málnotkun
nemendanna, þar með talinni enskunotkun þeirra, og meðvitund þeirra um
hana.
Nafnleyndar var gætt við alla skráningu gagna. Þannig fékk hver þátt-
takandi sinn kóða við skráninguna og öll nöfn viðmælenda þeirra, og þau
önnur nöfn einstaklinga sem komu fyrir, voru tekin út. Jafnframt var reynt
eftir föngum að taka út úr skráningum aðrar upplýsingar sem leitt gætu til
þess að einstaklingar þekktust. Rétt er svo að ítreka að þessum gögnum var
safnað vorið 2015 og þau eru því ekki alveg ný af nálinni, ekki síst í samhengi
hins síbreytilega rafræna umhverfis. Frá þessum tíma hafa þó ekki orðið
neinar verulegar breytingar á umgjörð stöðuuppfærslna og athugasemda á
Facebook, né heldur á messenger-forritinu, og þær niðurstöður sem hér
birtast ættu því að gefa nokkuð skýrar vísbendingar um hvernig Facebook-
skrif líta út í dag, auk þess sem þær fela þá í sér tækifæri til samanburðar við
nýrri gögn.
Gagnagreining fór þannig fram að öll málvíxl, eins og þau eru skilgreind
innan ramma þessarar greinar (sjá umræðu í 2. kafla), voru greind út frá því
hlutverki eða þeim tilgangi sem þau virtust þjóna hverju sinni. Við þessa
hlutverkaflokkun var horft til fyrri rannsókna á sviðinu, svo sem Gumperz,37
sem greint var frá hér ofar, en þó einkum rannsóknar Caparas og Gustilo38
á málvíxlun filippseyskra háskólanema á Facebook. Flokkun þeirra byggir
svo aftur á verkum Hoffmann39 og Saville-Troike.40 Þann ramma sem fékkst
með þessu þurfti þó jafnframt að laga lítillega að þeim dæmum sem fundust
í þessari rannsókn og ýmist bæta við eða taka út flokkunarmöguleika eftir
eðli dæmanna. Þannig er hér til að mynda gert ráð fyrir sérstökum flokki
fyrir myndatexta, það er texta sem fylgir myndum eða tenglum sem við-
komandi málhafi deilir í stöðuuppfærslu, auk þess sem við töldum ástæðu
til að skipta flokknum „vöntun á orðaforða“ upp í þrjá undirflokka þar sem
nokkur eðlismunur var á því hvernig sú vöntun birtist. Auk þessa er rétt
að benda sérstaklega á að þær rannsóknir sem fengist hafa við flokkun af
37 John J. Gumperz, Discourse strategies, bls. 75–83.
38 Pilar Caparas og Leah Gustilo, „Communicative aspects of multilingual code
switching in computer-mediated communication“, bls. 349–359.
39 Charlotte Hoffmann, An introduction to bilingualism.
40 muriel Saville-Troike, The ethnography of communication: An introduction.