Læknaneminn - 01.10.1995, Qupperneq 89

STÚDENTASKIPTI
þörf á að halda uppi stöðugum áróðri og halda
áfram að fræða unglinga. Þar eru læknanemar
mjög gagnlegir þar eð þeir standa oft nálægt
þeim í aldri og hugsunarhætti og hafa faglega
þekkingu. Auk þess er góð reynsla af þeim í
forvarnarstarfi rneðal unglinga sbr. tóbaks-
fræðsluna á vegum Krabbameinsfélagsins.
Ef einhverjir áhugasamir læknanemar vilja
taka að sér að gera eitthvað á þessum vettvangi
þá verður skýrslan um alnæmisfræðslu lækna-
nema í öðrum löndum afhent nýrri stjórn. Einnig
hefur stúdentaskiptanefnd möguleika á að setja
sig í samband við stjórnendur SCOAS til þess að
afla frekari upplýsinga.
SCOME - STANDING
COMMITTEE ON MEDICAL
EDUCATION.
SCOME er nefnd sem helgar kennslumálum
krafta sína. Mjög æskilegt væri að formaður
kennslumálanefndar gæti komist á þing IFMSA
og tekið þátt í starfi þessarar nefndar en það
hefur því miður ekki verið hingað til.
Nefndin hefur verið mjög virk undanfarið ár
og staðið fyrir náms- og ráðstefnum um menntun
Isekna. Þar hefur verið lögð áhersla á hlutverk
læknanemans í stefnumótun og endurbótum á
kennslu. Eitt mikilvægasta tækið til þess að koma
á framfæri gagnrýnu mati og tillögum til úrbóta
eru kennslukannanir og kennslumálaráðstefnur.
Því miður er þetta vannýtt leið og allt of mikið
um það að læknanemar séu óvirkir þolendur
allan sinn skólaferil. Þessu þarf að breyta og
vinnur SCOME nú að því að safna hugmyndum
og auka á samstarf og upplýsingastreymi milli
læknanema um allan heim. Farin er af stað
söfnun á mismunandi aðferðum til kennslumats
auk upplýsinga um það hvaða breytingar hafa
náð fram að ganga og þá hvemig. Vonast er til að
þetta megi verða til þess að hvetja læknanema til
dáða og vekja athygli skólastjórnenda á
hugmyndum þeirra. Mikill áhugi var á kennslu-
málaráðstefnum þeim sem Félag læknanema
hefur staðið fyrir og væntanlega munu fleiri
fylgja okkar fordæmi.
Bókasöfnun fyrir læknanema í bágstöddum
löndum er verkefni sem er nýlega farið af stað og
liefur það gengið vel. Nú þegar hafa þrjár stórar
sendingar með samtals yfir 2.000 bókum náð til
baltnesku þjóðanna og hafin er söfnun fyrir
Búlgaríu. Stefnt er að því að para saman fátækari
og ríkari þjóðir eins mikið og unnt er og stækka
þannig þetta verkefni.
Elektíf verkefni fyrir nema með áherslu á
kennsluaðferðir eru ný af nálinni. I haust buðust
sex, þriggja mánaða pláss í Maastricht og von er
á fleirum þar sem nemum eru kynntar nýjungar í
kennslu og hvernig þeim er beitt. I Maastricht er
lögð áhersla á svo kallaða „problem based“
nálgun og fá skiptinemarnir fyrst kennslu þar
sent þessari nálgun er beitt en síðan þjálfun í
aðferðarfræði og kennslu. Skipuleggjendur hugsa
sér þetta sem leið til að virkja nemendur til að
koma á framfæri þessari hugmyndafræði í sínum
heimalöndum og aðstoða við að koma nýjungum
í framkvæmd.
Nefndin stendur fyrir stórri kennslumála-
ráðstefnu í Brasilíu eftir áramótin en þar sem sú
ráðstefna snýst meira um kennslumál frá
sjónarhorni fátækari þjóða þá hafa fulltrúar frá
íslandi ekki mikið að sækja þangað.
WORKSHOP ON
PUBLIC HEALTH.
Almannaheilbrigðisráðstefnan sem haldin var
dagana fyrir allsherjarþingið var skipulögð af
Spánverjunum í Barcelona. Hún var ekki nægi-
lega áhugaverð. Bandaríkjamaður og Hollending-
ur voru með mjög góða fyrirlestra en takmarkað
gagn var að því að hlusta á flesta hina fyrir-
lesarana. Reyndar hafði láðst að nefna það við
suma þeirra að þeir ættu að flytja erindi sín á
ensku þannig að þeir fluttu þau á bjagaðri ensku
eða spænsku. Einn þeirra hafði eitthvað misskilið
hvað ráðstefnan fjallaði um og flutti langa og
skilmerkilega ræðu um það hvernig auka mætti
LÆKNANEMINN 2. tbl. 1995 48. árg.
79