Fróðskaparrit - 01.01.1989, Qupperneq 48

52
FØROYSKA MÁLNEVNDIN
londunum. 21. nov. 1983 skrivaði Fróðskap-
arfelagið landsstýrinum hetta bræv, ið sent
varð saman við uppskotinum til reglugerð:
„Síðan 1958, tá ið Málstovnur Føroya
Fróðskaparfelags varð settur á stovn, hevur
Fróðskaparfelagið av sínum eintingum skip-
að fyri ráðgeving í málspurningum. Henda
ráðgeving kom í fastari legu, tá ið felagið í
1980 læt upp skrivstovu við skrivara í hálv-
dagsstarvi og setti 3 manna málnevnd. Frá
fyrstu tíð hevur Jóhannes av Skarði óløntur
røkt starvið sum dagligur fyristøðumaður.
Skrivarin hevur lutvíst verið løntur úr Orða-
bókagrunninum.
Felagið er sannført um, at málslig ráðgev-
ing er neyðug og helst ongantíð meira um-
varðandi enn nú á døgum, tá ið málsligu
árinini uttaneftir eru so ómetaliga stór.
Felagið heldur, at nú er stundin komin, at
málráðgeving verður lyft upp til at vera
landsmál og ikki bert mál, sum felagsskapir
hava í hondum. I øllum Norðurlondum, ja
Grønlandi við, eru málnevndir, sum hitt al-
menna setur og ber kostnað av. Tílíkar
nevndir hava rættiliga stórt ræði at skera úr
um málslig ivamál og taka avgerðir, eitt nú í
stavsetingarspurningum. Tað er eyðsæð, at
saknur er í tílíkari nevnd her hjá okkum, og
skjýtur felagið tí upp, at landsstýrið/løgtingið
setur føroyska málnevnd í samsvari við hjá-
lagda uppskot og ber kostnaðin av skriv-
stovuhaldi og fundum nevndarinnar." -
Skotið varð upp at nevndin skuldi hava 5
limir, sum landsstýrið skuldi tilnevna eftir
tilmæli frá Landsskúlafyrisitingini, Føroya-
málsdeild Fróðskaparseturs Føroya og
Móðurmálslærarafelagnum. Tá ið uppskotið
kom til ummælis í Føroyamálsdeildini, varð
har lagt afturat, at Rithøvundafelagið og
Blaðmannafelagið skuldu eisini vera við til
at geva tilmæli um nevndarlimir, og tað góð-
kendi landsstýrið. Eisini mælti deildin til, at
ein málfrøðingur varð settur at hava fyri-
støðuna fyri nevndararbeiðinum. Av tí at
ætlað er eftir uppskotinum, at málnevndin
skal standa í beinleiðis samstarvi við Før-
oyamálsdeildina, hevði verið eftirynskjandi,
at málfrøðingurin í nevnda starvi eisini, t.d.
í hálvum starvi, varð knýttur at Føroyamáls-
deildini, fyrst og fremst orðasavninum.
Hetta uppskot vann ikki frama, men tað
verður vónandi, sum frá líður. Allar aðrar
málnevndir hava málfrøðingar við í dagliga
ráðgevingararbeiðinum.
Landsstýrið tók væl ímóti uppskotinum,
og Torbjørn Poulsen, ið tá hevði mentamál
undir sær, styðjaði tað av heilum huga. Vón-
að var, at nýggja málnevndin kundi standa
fyri fyrsta norðurlendska málfundinum í
Føroyum í august 1984, men tað var ikki -
almenna kvørnin melur sum kunnugt seint.
Meir enn heilt ár skuldi ganga, áðrenn
nevndin varð sett. Á málfundi í Løgumklos-
ter fekk eg boð heiman um, at landsstýrið á
fundi 13. sept. 1985 hevði tilnevnt føroysku
málnevndina eftir tilmæli frá avvarðandi
stovnum: Petur Jacob Sigvartsen fyri Lands-
skúlafyrisitingina, Jeffrei Henriksen fyri
Móðurmálslærarafelagið, Sigurð Joensen
fyri Rithøvundafelagið, Svenning Tausen
fyri Blaðmannafelagið og meg sjálvan fyri
Føroyamálsdeildina. Eg kundi so boða mál-
fundinum frá hesum í røðu míni. Tíðindini
vórðu væl fagnað, og vit fingu mong góð
ynski fyri nýggju nevndina.
Arbeiðið hjá nýggju málnevndini er beint
framhald av tí, ið Málstovnurin legði lunnar
undir. Skrivstovan, ið nú eitur Málstovan, er
hin sama, og skrivarin við. Fróðskaparfelag-
ið var so stórtøkið at lata nevndini ókeypis
alt innsavnað tilfar og harafturat handbøkur
og onnur hjálparamboð. Fíggjarjáttanin