Árbók Hins íslenzka fornleifafélags - 01.01.1965, Blaðsíða 67
FORNALDARKUML Á SELFOSSI
71
Hefir sigðin vafalaust verið bundin á skaft á líkan hátt og ljáir
voru löngum bundnir í orf með ljáböndum. Áður hafa sigðir fund-
izt í tveimur kumlum fornum og í Skallakoti í Þjórsárdal. Þessi
sigð er lík sigð frá Brimnesi Kt. 654, en er þó styttri og grennri
en hún. Annars virðist þessi sigð vera af gerðinni Redskaper 833,
aðeins styttri en í meðallagi, en þó þekkjast talsvert styttri sigðir
af þeirri gerð, en hún er talin algengust í Vestur-Noregi og eru
flestar þær sigðir frá 9. öld, en fáeinar eru þó frá 10. öld.
Lauf með skrá af kistli eða stokk, brotið í tvennt, sljóþríhyrnt.
Ein hliðin er stytzt, og auk þess vantar á hana annað skammhlið-
arhornið. Lengd skammhliðar (= breidd laufs) 6,5 sm, hæð á
skammhlið ( = lengd laufs) 10,5 sm. Undir laufinu er rennijárn eða
hlaupjárn, og nær annar endi þess nú fram á miðja skammhliðina,
en þar virðist vera brotið af honum. Hinn endinn stefnir á gagn-
stætt horn. Laufið er fest á tré; og má sjá á því, hvernig liggur í
trénu, að skammhliðin hefur snúið að fjalarbrúninni. Járnið hefir
runnið í grópi í trénu, sem laufið er fest á, en á járnið er fest
lykkja, sem leikur í rauf í laufinu. Breidd raufarinnar er vart meiri
en 6—7 mm, sama og breidd lykkjunnar, en lengd hennar um 4
sm. Raufin virðist óslitin í laufinu, en á sambærilegum laufum er-
lendum er raufin einatt slitin, eða öllu heldur eru raufarnar tvær,
sbr. t. d. Birka Taf 266 og Taf 2705. Breidd grópsins (og hlaup-
járnsins) er um 1,2 sm, dýpt allt að 0,8 sm. Laufið hefur vafalaust
verið utan á kistli eða stokk, en innan á trénu er minna lauf trapizu-
lagað, og eru bæði laufin fest saman með hnoðnöglum. Nokkuð
vantar á horn innra laufsins. Þykkt kistilfjalarinnar, sem laufin
eru fest á, er nálægt 1,2 sm.
Hringur úr járni, þverm. 3,5 sm. Hann hefur leikið í lykkju, sem
rekin hefur verið í tré. Lykkjan og tréleifar eru ryðguð við hring-
inn, og er tréð mjög líkt viðnum, sem láslaufið er neglt á. Hringur-
inn kann að hafa verið í loki eða gafli kistilsins, en hvort tveggja
var algengt til forna.
Járnnaglar, sumir með viðarleifum, trjáflísar og ryðskorpur. Flest
er þetta úr sömu hirzlu og laufið og hringurinn.
Lykill í tveimur hlutum, og er ekki alveg víst, að þeir eigi sam-
an, en skeggið vantar, líkur Redskaper 2543, sem er mjög algengt
víkingaaldarlag á lyklum. Svipaður lykill hefur fundizt í Blöndu-
gerðiskumli Kt. 1054. Lengd lykilbrotanna er 12,5 sm. Á efri enda
lykilsins er beygð lykkja, og virðist hafa verið hringur eða þvílíkt
í henni.